امریکا نینگ ایچکی خوفسیزلیک وزیرلیگی، ونزوئلالیک ۲۶ یاشلی بیر کیشی واشنگتن ده آق اوی یقینیده تۉخته‌تیلگن موترده اوچ قورال بیلن قولگه آلینگنینی معلوم قیلدی. ان‌بی‌سی نیوز معلوماتیگه کۉره، بو کیشی خوفسیزلیک کوچلریگه قولاغیگه کېلگن باطنی باسیملر دونالد ترامپ نی اۉلدیریشنی بویورگنینی ایتگن.
امریکا مخفی خدمتی نینگ خادملری پنج‌شنبه کیچه‌سی واشنگتن نینگ کانستیتوشن کوچه‌سیده «رونی یوردریکس گوانیپا چرینوس» اسملیک اوشبو کیشینی بیر وانت موتر ایچیده تاپدیلر. محاکمه هئیاتیگه تاپشیریلگن حجت اساسیده، پولیس یقینلشگن پیتده او موتر ایچیده اویقولی بۉلگن و خادملر اونی دستلب ساغلیغینی تېکشیریش مقصدی بیلن اۉیغاتگنلر.
اوشبو حجتگه اساساً، چرینوس گوگل ترجمه دستوری آرقه لی خادملر بیلن سوزله‌شیب، یانیده بیر نېچه قورال بارلیگینی و اولرنی حکومتی اداره‌لرگه تاپشیرماقچی ایکنینی ایتگن. تېکشیروولر نتیجه‌سیده موتردن بیر دانه ای‌آرـ۱۵ ماتیپلی میلتیق، مکـ۱۰ سلاحی، بیر تاپانچه و عسکرلیک اوقلری کشف اېتیلیب ضبط قیلیندی.
خوفسیزلیک منبعلری اوشبو موتر نینگ اوغیرلنگنی حقیده خبرلر بارلیگینی بلدرسه‌لر هم، لېکن عیبدار کیشی اونی ایش بیریووچیسی اۉزیگه قۉللش اوچون بېرگنینی ادعا قیلگن. شوندېغدېک او قوراللرنی بیر آی آلدین ساتیب آلگنینی و موتر نینگ ایچیده یشب یورگنینی ایتگن.
چرینوس حاضرگی وقتده قورال و اوقلرنی ناقانونی سقلش، ناقانونی ترقه تیش، موتردن رخصتسیز فایده‌لنیش و اوغیرلنگن نرسه‌لرنی اۉزیده سقلش کبی بیر قنچه ایب‌لوولر بیلن یوزمه-یوز بۉلماقده. بیراق رسمیی ایب‌نامه لستیده جمهورباشلیقنی ترور قیلیشگه اورینیش عیبی تېگیلمه‌گن.
امریکا ایچکی خوفسیزلیک وزیرلیگی بو کیشی نینگ ۲۰۲۴ ییلده امریکاگه ناقانونی یۉل بیلن کیرگنی و چیگرا خوفسیزلیک کوچلری تامانیدن قیسقه توقیفدن سۉنگ قۉییووریلگنینی تصدیقلشدی. امریکا مخفی خدمتی باشلیغی شان کوران مامورلر نینگ تینچ یۉل بیلن بحراننی حل قیلگنینی آلقیشلب، کۉپییب باراتگن تهدیدلر حقیده تشویش بیلدیردی.
منبع: ان‌بی‌سی نیوز
🌐
