بیروغاون اېللر تاشکیلاتیده جهانی علاقه‌لر بۉییچه باش کاتبی نینگ اۉرینباسری ملیسا فلمینگ، ۲.۶ میلیون افغان قیز نینگ آلتینچی صنفدن سۉنگ تعلیم ترغیبیدن محروم قالگنلیگیگه اشاره قیلیب، بو وضعیت نینگ دوامی حقیده آگاهلنتیردی. او افغانستانده قیزلر اوچون تعلیم بندیزینی توگه‌تیش مقصدیده عاجل اقدام قیلیشنی سۉره‌دی.
مذکور یوستقاری مقام جومه کونی اېسلاتیب اۉتدی که، بو محرومیت نینگ دوام اېتیشی بیر نسلنی ترقّیات ایمکانیتلریدن محروم قیله‌دی و افغانستان نینگ رواجلنیش کیله‌جگیگه جدّی مانع یاصله‌دی.
خانم فلمینگ یونسکو و یونیسف نینگ باله‌لر تعلیمی حقیده‌گی قۉشمه حسابیگه اشاره قیلگن. بو حسابگه کۉره، افغانستانده باشلنغیچ تعلیم یاشیده‌گی ۵۳ فایز باله‌لر رسمی تعلیمدن محروم بۉلیب قالماقده‌لر.
یونسکو و یونیسف تشکیلاتلری افغانستانده قیزلر و عیاللر نینگ تعلیم حقوقینی تۉلیق تیکلشنی و تعلیم کیفیتیگه ضربه بېرگن مانعلرنی یۉق قیلیشنی طلب قیلماقده‌لر.
حاضرگی وقتده افغانستان دُنیاده قیزلر نینگ مکتب باریشی رسمی شکلده چکلنگن یگانه مملکت حسابلنه‌دی. بو مانعلر یوز مینگلرچه قیزنی اۉسیش و موستقل حیات قوریش امکانیتلریدن اوزاقلشتیرگن.
منبع: بیرلشگن ملتلر تشکیلاتی باش کاتبی نینگ اورینباسری یازمه‌سی
🌐
