بلخ ولایتیده طالبان حکومتی نینگ امنیه قوماندانلیگی دهدادی تومنیده یوز بېرگن ترافیک حادثه‌سی عاقبتیده ایکّی کیشی نینگ هلاک بۉلگنینی معلوم قیلدی.
بلخ محلی مسووللری نینگ ایتیشیچه، اوشبو حادثه یک‌شنبه کونی، ۱۷ عقرب، بیر «اکتروز» موتری نینگ موتورسایکل بیلن توقنه‌شیشی نتیجه‌سیده صادر بۉلگن.
بیلدیریلیشیچه، موتورسایکل هیداوچیسی و اونینگ یانیده‌گی کیشی واقعه جاییده جان بېرگن. خوددی شو پیتده موتر هیداوچیسی خوفسیزلیک کوچلری تامانیدن قولگه آلینگن و حاضرده سوروشتیریلوه‌دی.
طالبان مسووللری اوشبو هلاکاتلی حادثه‌گه یوکسک تیزلیک و هیداوچیلیکده‌گی احتیاطسیزلیکنی سبب صفتیده کۉرسه‌تگنلر.
اوشبو فاجعه یوز بېرگندن بیر کون آلدین غور، لغمان و سمنگان ولایتلریده هم ترافیک حادثه‌لری یوز بېرگن اېدی.
اۉشه حادثه‌لرده ۱۶ کیشی هلاک بۉلیب، ۲۱ نفر تن جراحتی آلگن اېدی، بو ایسه جاده‌لر بوزوقلیگی عاقبتیده خطرلر کۉپه‌یگنینی بیلدیره‌دی.
منبع: بلخ محلی منبعلری
🌐
