یونان رسمیلری لږیده ۲۰ پناه اېستاوچی مدیترانه دینگیزی آرقه‌لی کرت آرالیگه یېتیب باریش مقصدیده جان بېرگنینی معلوم قیلدی.
فرانسه خبر آژانسی معلوماتیگه کۉره، یونان ساحل خوفسیزلیک کوچلری آرال نینگ جنوبی بۉلگه‌سیده بیر قاییقده سگیز کیشی نینگ جسدی و باشقه قاییقده ۱۲ جسد تاپیلگنینی خبر بېردی. قۇتققروچیلر ایکّله قاییقدن قریب ۴۰ کیشینی قۇتقاریب آلگن.
شنبیه کونی آرقه‌دن کېلگن عاجل یېردَم سۉراوی آرتیدن قۇتققرو حرکتی باشلندی، بیراق کوچلی شامال عملیاتنی قیینلشتیردی. بیرینچی قاییقده ۲۸ قۇتقاریلگن بیلن بیرگه بیر سودانلیک نینگ جسدی تاپیلدی و کېینراق ایچکریسیدن ینه یېتّی جسد چیقریلدی.
یونان پولیسی اېسه باشقه یۉلوچیلر نینگ کورستیشیگه اساسلنیب، انسان قاچاقچیلیکده عیب‌لنگن ۱۶ یاشلی بیر سودانلیک ییگیت بیلن ینه بیر کیشینی قولگه آلدی.
باشقه بیر حادثه‌ده کرت آرالی جنوییده ساحل کوچلری ۱۲ جسدنی تاپیب، ۱۸ کیشینی قوتقاردی. بندر رسمی‌لریگه کۉره، اروپا بیرلیگی نینگ چیگره تشکیلاتی همکارلیگیده عومومی حسابده ۱۰۵ کیشی قوتقاریلگن.
کرت آرالی لیبیادن یۉلگه چیقه‌دیگن و خوفلی یۉللر بیلن اروپا بیرلیگیگه بارماقچی بۉلگن قاچاقینلر اوچون اساسی بیر یۉلگه ایلنگن.
بیرلشگن ملتلر تشکیلاتی نینگ قاچاقینلر بۉییچه عالی کمیسارلیگی معلوماتیگه کۉره، ۲۰۲۶ ییل باشلنگنیدک بېری ۳۷ میندن آرتیق قاچاقین یونانگه یېتگن و اولردن ۲۲ میندن کۉپراغی کرت آرالیگه آیاق باسگن. بونگه قارشی یونان حکومتی هراکلیون شهری یقینیده بیر واقتی قرارگاه قوریشینی بیلدیرگن.
منبع: فرانسه خبر آژانسی
🌐
