اسپانیاده چارشنبه کونی تۉرت میلیونگه یقین ایشچی اوی کرایه‌لری نینگ کۉپه‌یشی، اوی-جای ییتشماوسیزلیگی و مستأجرلرنی چیقاریشگه قرشی عمومی ایش تاشلش همده ناراضیلیک بیلدیردی.
کاسبه‌لر اتحادیه‌لری نینگ معلوماتیگه کۉره، اوشبو ۲۴ ساعت‌لیک ایش تاشلش، ۲۰۱۲ ییلدن بېری اوشبو مملکتده‌گی بیرینچی عمومی ایش تاشلش حسابلنه‌دی، او زمانده ایشچیلر یورو زون بحرانی چاغیده قرشی چیققن اېدیلر.
اوشبو عمومی حرکت اسپانیانینگ اینگ بویوک ایکّی اتحادیه‌سی UGT و CCOO تمانیدن قۉللب-قوتلندی که بیر میلیوندن آرتیق ایشچینی تمثیل قیله‌دی، شونینگدیک مستأجرلر بیرمه‌لری هم اوندن حمایت قیلدی.
ناراضیلیک بیلدیریوچیلر کرایه‌لر نینگ بلندلیگی و جبرن اوی نینگ بوشه‌تیلیشی کۉپه‌یگنی سببلی غضبده اېدیلر.
اتحادیه‌لر اوشبو ایش تاشلشنی موفقیت‌لی دېب بهاله‌دیلر، اگرچه مملکت بۉیلب اونده اشتراک قیلیش فرق قیلگن.
ایش تاشلشده‌گی اشتراک ساحلی حدودلرده اینگ یوقاری بۉلدی، چونکی او ییرلرده اوی-جای خرجتلری اینگ آغیر معماگه ایلنگن اېدی.
اوشبو کېنگ کولملی ناراضیلیک اسپانیاده وقتی‌دن آلدین پارلمان سیلاولریگه اوچ هفته‌دن آز وقت قالگنده یوز بېردی.
منبع: خلق‌ارا رسانه‌لر
🌐
