کابل شهری نینگ تورلی منطقه‌لریده یشاووچیلر قرووسیز ایتلر نینگ کۉپه‌یگنی و اهالیگه هجوم قیلیشیدن جدی خواطر بیلدیرماقده‌لر. اهالی نینگ ایتیشیچه، شهر کۉچه‌لریده ایتلر نینگ کۉپلیگی عامه قطناوینی، اینیقسه کیچه و ایرته‌لب لری، خطرات آستیگه قۉیگن.
«هشت صبح» گزېته‌سی معلوماتیگه کۉره، کابل نینگ چهلستون منطقه‌سیده یشاووچی عثمان نینگ ایتیشیچه، قرووسیز ایتلر کۉپه‌یگن و بو منطقه‌ده اولر نینگ هجوم قیلیشیدن اۉنلب واقعه یوز بېردی. او ایتلر بایسکل و موترسایکل هیداووچیلریگه و حتا یولاوچیلرگه گروه‌لی هجوم قیلماقده‌لیگینی معلوم قیلدی.
بو کابل یشاووچیسیگه کۉره، قوتیریشگه قرشی واکسین کمه‌ییب کەتگن و بهاسی هم جوده‌یم قِمت‌دیر. اونینگ تأکیدلشیچه، یشاووچیلر نینگ کۉپچیلیگی اقتصادی قیینچیلیکلر طفیلی درمان بیلن واکسین خرجتینی تۉلشگه قدرتی یۉق و یقین اوره‌ده بیر کیشی ایت قاپیشی عاقبتیده جان بېرگن.
کابل نینگ سرسبزی منطقه‌سیده یشاووچی عمر هم سۉزلریگه کۉره، قرووسیز ایتلر کۉپ مرتبه کیشیلرگه هجوم قیلگن و آیاللر بیلن یاش باله‌لر کوپراق خطرات آستیگه قالگن. بو سببلی، بیر قطار یشاووچیلر کۉچه‌دن اۉتیش اوچون قۉلیده تایاق آلیب یوریماقده‌لر.
پایتخت نینگ کوته‌سنگی، بنایی و مارکیت ساحه‌لری یشاووچیلری هم شو کبی معمالردن شکایت قیلگنلر. ندیم اېسملیک باشقه بیر یشاووچی کوته‌سنگی منطقه‌سیده ۱۰ گه یقین ایت هجوم قیلگنینی ایتدی، هوتل ایشچیسی غفار اېسه کیچه‌سی اویگه قه‌یتیش پیتیده ایت آیاغینی قاپگنینی بیلدیردی.
کابل اهالیسی سابق دورده بلدیه بو کبی ایتلرنی ییغیب آلیش بۉییچه ایشلر قیلیشینی، بیراق حاضر بوندای پلانی یۉقلیگینی معلوم قیلدیلر. شونینگدېک، داکترلر هم بو ییرتقیچ حیوانلر خوفلی کسللیکلرنی ترقه‌تیشیدن خبر بېریب، اولرنی شهردن اوزاقلشتیریشنی سۉره‌گنلر.
منبع: هشت صبح
🌐
