هلمند ولایتیده طالبان حکومتی نینگ محلی رسمی‌لری، اوشبو ولایت نینگ سنگین تومنیده یوز بېرگن یانغین عاقبتیده باله‌لر هم شامل تۉقگیز کیشی نینگ یره‌لنگنینی معلوم قیلدی.
هلمند والیسی نینگ باقبرلاوچیسی دفتری بیر بیلدیرو نه‌شر قیلیب، حادثه پنج‌شنبه کونی، ۲۱ عقرب اقشام ساعت ۶:۳۰ اطرافی ده سنگین تومنی نینگ «تولی دوم» منطقه‌سیده یوز بېرگنینی بیلدیردی.
مذکور خبرنامه‌گه کۉره، یانغین بیر اسکواترگه تیل قوییش چاغیده باشلنگن و نتیجه‌ده تۉرت باله بیلن بیرگه تۉقگیز کیشی کویگن.
طالبان حکومتی مسؤللری بو حادثه‌گه تیل ترقه‌تیش و قوییشده‌گی احتیاطسیزلیک سبب بولگنینی ایتگنلر.
رویداد یره‌دارلری تیزلیک بیلن اولسته‌ی مرکزی لشکرگاه شهری نینگ شفاخانه‌سیگه ییتکزیلدی.
اطلاعات روز معلوماتیگه کۉره، بیر محلی منبع ایریم یره‌دارلر نینگ احوالی آغیر بولگنی سببدن، اولر کوپراق دواملی تداوی اوچون هرات ولایتیگه یوباریلگنینی تصدیقله‌دی.
منبع: اطلاعات روز
🌐
