ایران جمهورباشلیغی مسعود پزشکیان تهرانده ایران و عراق تۉقنه‌شوویده هلاک بۉلگن ۱۱۰ نامعلوم حربی نینگ جنازه مراسمیده اشتراک ایتدی.
اوشبو مراسم جمعه کونی ایرته‌لب اۉتکزیلدی و پزشکیان تشییع قیلووچیلر قطاریگه قۉشیلدی. سپاه پاسداران قوماندانلریدن احمد وحیدی و مصطفی ایزدی هم مذکور تدبیرده حاضر بۉلدیلر.
ایران یېتکرمه‌لری معلوماتیگه کۉره، تهران بیلن بیر قطارده باشقه ولایتلرده هم ۲۴۰ نامعلوم حربی نینگ جسدی توپراققه تاپشیریلگن.
مذکور جسدلر فکه، شرهانی، شلمچه، مجنون آرالی، مهران، دجله نینگ شرق تامانی و چیلات دشتلریدن قیدیریلیب تاپیلگن.
بوگون عمومی حیاتده ایران بۉیلب ۳۵۰ نامعلوم حربی نینگ جنازه‌سی اۉقیلدی. ایران و عراق اۉرته‌سیده‌گی اوروش سککیز ییل دوام ایتگن اېدی.
حکومتی ییغینلر خاص خوفسیزلیک تدبیرلری آستیده اۉتیاتگن بیر حالده، مسعود پزشکیان جماعه آره‌سیده کورینیش بېردی.
منبع: ایران رسانه‌لری
🌐
