پنجشېر ولایتیده اوچ منبع جمعه کونی معلوم قیلیشیچه، سابق حکومت حربی‌لریدن بیری طالبان حکومتی کوچلری تامانیدن قولگه آلینیب شکنجه قیلینگنیدن کیین اۉز اوییده جانیگه قصد قیلگن.
افغانستان اینترنشنال معلوماتیگه کۉره، اوشبو ۳۶ یاشلی دادالرحمن پنجشېر ولایتی نینگ عبدالله‌خیل دره‌سیگه قاراشلی خانه‌خیل قیشلاغی یشاووچیسی بۉلیب، سابق نظامده عامه نظم خاص کوچلری صفیده خذمت قیلگن اېدی.
اوشبو سابق حربی نینگ آسیلگن جسدی جمعه کونی اۉز حویلیسی دن تاپیلگن. منبعلرگه کۉره، اونینگ برادری هم آلدین طالبان تامانیدن اۉلدیریلگن اېدی.
محلی منبعلر نینگ ایتیشیچه، دادالرحمن سۉنگگی ییللرده طالبان حربی‌لری تامانیدن کۉپ مرته حبسگه آلینیب، کلتکلنگن و تحقیر اېتیلگن اېدی. دواملی بۉلگن خوفسیزلیک باسیملری، شکنجه و بېکارلیک او نینگ روحی احوالیگه جدی تأثیر قیلگن.
باشقه بیر منبع نینگ ایتیشیچه، طالبان کوچلری دستلب اونینگ جنازه نمازی اۉقیلیشیگه مانع بۉلگن، لیکن محلی یشاووچیلار نینگ اره‌لشوویدن سۉنگ مراسم بۉلیب اۉتگن.
طالبان حکومتی حاضرگچه بو واقعه و بیلدیریلگن ادعالر توغریسیده هیچ قنده‌ی مناسبت بیلدیرمه‌گن.
منبع: افغانستان اینترنشنال
🌐
