طالبان حکومتی نینگ مالیه وزیرلیگی افغانستان بیلن ایران اۉرته‌سیده‌گی اسلام‌قلعه گمرکی نینگ فعالیتی کیله‌سی شنبه کونی‌دن باشلب ۲۴ ساعت‌لیک بۉلیشینی معلوم قیلدی.

بو بۉییچه کیلیشوو طالبان حکومتی نینگ مالیه وزیری ملا محمد ناصر و ایران نینگ ایقتیصاد و دارایی وزیری سید علی مدنی‌زاده اۉرته‌سیده اوچره‌شووده قولگه کیریتیلگن.

اوشبو وزیرلیک معلومات نامه‌سیگه کۉره، ایکّی تامان گمرک تیزیم‌لرینی بیرلشتیریش، موترلر قاتناوی‌نی کۉپه‌یتیریش، خاک‌پولی تؤلووینی بیکار قیلیش و ماللر قاچاقی نینگ آلدی‌نی آلیش بۉییچه هم توافق قیلگنلر.

طالبان حکومتی نینگ مالیه وزیری تجارت و ترانزیت علاقه‌لرینی کېنگه‌یتیریش مقصدیده بیتر هیأت باشچیلیگیده ایرانگه سفر قیلگن اېدی.

بوندن آلدین هم طالبان و ایران تامانی نیمروز ولایتیده‌گی ابریشم کۉپریکی و ایران سیستان و بلوچستانیده‌گی میلک چېگراسی ۲۴ ساعت فعالیته اېگه بۉلگنینی بیلدیرگن اېدیلر.

منبع: طالبان حکومتی نینگ مالیه وزیرلیگی

🌐

Author