ننگرهار ولایتیده یشاوچی توری اسملیک عیال، ۱۳۸۹-ییلده جلال‌آباد شهریده طالبان نینگ کابل‌بانککه قیلگن هجومیده تورموش اۉرتوغی هلاک بۉلگنیدن سۉنگ، تۉرت باله‌سینی یالغیز اۉزی باقماقده. او حاضرگی کونده قیشلاق خلقی اوچون تندیرده نان یاپیب، روزگار خره‌جتینی تاپماقده.

افغانستان اینترنشنال معلوماتیگه کۉره، توری نینگ تورموش اۉرتوغی ۱۵ ییل آلدین کابل‌بانک نماینده‌لیگیگه اویوشتیریلگن قانلی هجومده هلاک بۉلگن اېدی. اوشبو هجومده ۴۰ کیشی جان بېریب، ۷۱ کیشی یره‌لنگن اېدی که قربانلر قطاریده ۱۷ ملکی شخص و ۲۱ خوفسیزلیک منسوبی بار بۉلیب، بو هجوم مسئولیتینی طالبان اۉز بوینیگه آلگن اېدی.

باشپناهینی یۉقاتگن توری کۉپلب قیینچیلیکلرگه دوچ کېلدی، بیراق قیشلاقدشلر نانینی یاپیش آرقه لی عایله‌سی نیازینی قاندیرماقده. بعضی عایله‌لر اونگه پول بېرسه‌لر، باشقه بیر قیسمی تندیر اوچون یاقیلغی و اۉتین یېتکزیب بېره‌دیلر.

توری نینگ ایتیشیچه، قیشلاق اهالیسی نینگ یاردمی و مهربانلیگی اونینگ حیاتی بۉییچه دوام اېتیب کېلماقده. قۉشنیلر تاماق پایلشیب، باله‌لریگه کییم اولیب بېره‌دی و عایله احوالیدن دواملی خبر آلیب توره‌دیلر.

او اۉغلی کېچه‌سی ناگهان کسل بۉلگن کوننی اېسله‌یدی؛ قیشلاقدشلر باله‌نی تېزده موتر بیلن شفاخانه‌گه یېتکزیب، باشقه‌لری اېسه تانگگه قدر اوییده قالگن اوچ باله‌سیگه قره‌ب تورگنلر.

ننگرهار نینگ ایساغ یاز کونلریده قیزیر تندیر آلدییده ایشلش توری اوچون غایت آغیر بۉلیب، اونینگ بدنینی کویدیره‌دی، اما او باله‌لرینی آچ قالدیرمسلیک اوچون هر کونی بو مشقتگه چیده‌شگه مجبور.

کابل‌بانککه اویوشتیریلگن اوشبو هجوم اۉنلب عایله‌لر حیاتینی اۉزگرتیردی و ییللر اۉتسه‌ده، اونینگ یامان اقتصادی و روحی تعثیرلری اۉشبو حلی تلر و یتیم باله‌لر بوینیگه یوره دوام اېتماقده.

منبع: افغانستان اینترنشنال

🌐

Author