د جیسي جیکسن کورنۍ تایید کړه چې د امریکا د مدني حقونو دغه نامتو مبارز او د ولسمشرۍ پخوانی کاندید د ۸۴ کلونو په عمر له نړۍ سترګې پټې کړې. هغه چې د مارټین لوتر کینګ نږدې ملګری و، له کلونو راهیسې د پارکینسن په ناروغۍ اخته و او د نړۍ د مظلومانو او هغو خلکو غږ و چې چا یې غږ نه اورېده .
جیکسن چې دوه ځله یې د ډیموکراټ ګوند لخوا د ولسمشرۍ لپاره هڅه کړې وه، د امریکا په سیاسي تاریخ او د نژادي خنډونو په لرې کولو کې مهم رول درلود. هغه په ۱۹۸۰ لسیزه کې د خپلو جذباتي ویناګانو سره ملیونونه رایې ورکوونکي راجلب کړل او د راتلونکو تور پوستو سیاستوالو، لکه بارک اوباما لپاره یې لاره هواره کړه .
دغه کاریزماتیک مشر پر کورنیو فعالیتونو سربېره، په افریقا کې د بل کلینټن د ځانګړي استازي په توګه دنده ترسره کړه او په بېلابېلو هیوادونو کې یې د امریکایي بندیانو په خوشې کولو کې رول درلود. د هغه نوم به د امریکا په تاریخ کې د عدالت او نژادي برابرۍ د مبارزې د یو سمبول په توګه پاتې وي .
د امریکا د مدني حقونو وتلی مشر جیسي جیکسن د ۸۴ کلونو په عمر ومړ
