د خوړو نړیوال پروګرام په خپل نوي راپور کې ویلي چې په افغانستان کې د تېر کال په پرتله د خوراکي توکو بیې اوه څلوېښت سلنه لوړې شوې دي. د وریجو غنمو غوړیو او بورې په څیر لومړنیو توکو بیو د پام وړ لوړوالی موندلی چې پر کورنیو یې دروند مالي فشار راوړی دی.
سره له دې چې په ولایتونو کې بازارونه فعال دي خو د توکو د اکمالولو لارې له جدي ننګونو سره مخ دي. ډیری واردات اوس د اسلام کلا بندر له لارې ترسره کیږي چې د ترانسپورت لګښتونه یې زیات کړي او د توکو په رسیدو کې یې ځنډ رامنځته کړی دی.
د خوراکي توکو سربیره د ډیزلو او کیمیاوي سرې بیې هم لوړې پاتې دي. د کار بازار خورا کمزوری دی او د خلکو د پیرودلو ځواک کمیدل د کاري فرصتونو د محدودیت ترڅنګ د ډیرو هیوادوالو لپاره د ژوند شرایط سخت کړي دي.
🌐
#افغانستان #اقتصاد #خوراکي\_توکي
Cloudflare