ایراني رسنیو راپور ورکړی چې تهران ګواښ کړی که د امریکا له خوا سمندري محاصره دوام وکړي، دوی به د هرمز تنګی بیا د کښتیو پر مخ وتړي. یوې ایراني امنیتي سرچینې د امریکا دا کار د وروستي اوربند د هوکړې سرغړونه بللې ده.
ایراني چارواکو خبرداری ورکړی چې د دې مهمې لارې تړل کېدل کولای شي په سیمه کې ترلاسه شوې هوکړې له جدي خطر سره مخ کړي. تر دې وړاندې په لبنان کې د اوربند له ټینګېدو سره سم، له دې تنګي څخه د سوداګریزو کښتیو تګ راتګ په لنډمهاله توګه ازاد شوی و.
سره له دې، د امریکا ولسمشر ټینګار کړی چې د وروستۍ سولې تر لاسلیک پورې به د ایران د بندرونو محاصره پای ته ونه رسېږي. د هرمز تنګی په نړۍ کې د انرژۍ د لېږد یوه له مهمو لارو څخه ده او تړل کېدل به یې درنې اقتصادي پایلې ولري.
🌐
#ایران #امریکا #هرمز\_تنګی #منځنی\_ختیځ #نړیوال\_اقتصاد
