د ملګرو ملتونو پراختیایي پروګرام خبرداری ورکړی چې افغانستان د اقلیم د بدلون په وړاندې د نړۍ ترټولو زیان منونکو هیوادونو څخه دی. د شنو خونو ګازونو په تولید کې د لږې ونډې سره سره، د دې هیواد د تودوخې درجه لوړه شوې ده.
د تودوخې دې زیاتوالي سیلابونه، وچکالۍ او طوفانونه ډیر کړي چې هر کال څه باندې دوه سوه زره کسان اغیزمن کوي. وروستیو سیلابونو ډیر زیانونه اړولي او کرنیزې ځمکې یې ویجاړې کړې دي.
ملګري ملتونه ټینګار کوي چې په نوي کیدونکي انرژۍ پانګونه کولی شي د خلکو د زیان مننې په کمولو کې مرسته وکړي. خو خبرداری ورکوي چې په راتلونکو کلونو کې به د اقلیمي بدلونونو ګواښونه لا هم زیات شي.
#اقلیمي\_بدلون #افغانستان #چاپیریال
🌐
