د ایران د بهرنیو چارو وزیر عباس عراقچي اعلان کړی چې په سویس کې له امریکا سره د غیر مستقیمو خبرو په پایله کې د دوی ځینې کنګل شوې شتمنۍ ازادې شوې دي. دا خبرې د پاکستان او قطر په منځګړیتوب ترسره شوې چې د تهران لپاره یې مثبتې پایلې لرلې دي.
ښاغلي عراقچي زیاته کړه چې د مالي سرچینو تر څنګ د نفتو پر صادراتو محدودیتونه هم کم شوي او سمندري محاصره پای ته رسېدلې ده. هغه دا پرمختګونه په کور دننه د اقتصادي بیارغونې او پراختیا د سترو پروژو د پیل لپاره یو خورا مهم او اساسي ګام وباله.
د قطر او پاکستان حکومتونو هم په یوه ګډه اعلامیه کې دا خبرې ډېرې هڅوونکې بللې دي. د یوې عالي کمېټې پر جوړولو موافقه او د شته ستونزو د هوارولو لپاره د دوه میاشتنۍ لارې نقشه ټاکل د دې ډیپلوماتیکو غونډو له نورو مهمو لاسته راوړنو څخه ګڼل کیږي.
#ایران #امریکا #منځنی\_ختیځ
🌐
