د نړیوالې مراقبت ادارې «کیر» خبرداری ورکړ چې د ۲۰۲۶ کال له پیل راهیسې افغانستان کې د بودجې د کمښت له امله شاوخوا ۱۵۰ روغتیایي مرکزونه وتړل شول. د افغانستان نږدې نیمه نفوس، یعنې ۲۱.۹ میلیونه کسان، د دې کال بشري مرستو ته اړتیا لري.
دې ادارې وویل چې د افغانستان بشري مرستو برنامې تمویل یوازې د اړتیاوو یوه څلورمه برخه پوښي. د بودجې کمښت دا اداره مجبوره کړه چې د دې کال ۳۰ کلینیکونه وتړي. ښځې او لوڼې د دې بحران له امله ترټولو ډیر زیان ګالي.
د راپور له مخې، د اپریل او سپتمبر ۲۰۲۶ ترمنځ نږدې ۳.۷ میلیونه د پنځو کلونو لاندې ماشومان او ۱.۲ میلیونه امیندوارې یا شیده ورکوونکې ښځې د حاد سوء تغذیې له خطر سره مخامخ دي. افغانستان د هر ۱۰۰ زره ژوندي زیږون کې ۶۳۸ مورني مرګونو سره د سیمې له لوړو کچو لرونکو هیوادونو کې دی.
#افغانستان #روغتیا #بشري\_بحران #ښځې #نړیوالې\_مرستې
🌐
