بوگون، ۱۴ اکتوبر، خلق ارا استندردلر کونی گه تۉغری کیله دی. بو کون بوتون دنیا بۉیلب عامه معلوماتینی آشیش و دنیا بۉیلب خلق ارا استندردلرنی تیارله یاتگن مینگلب متخصص لرنینگ مشترک سعی و حرکتلرینی نشانلش اوچون حرمتلنه دی.
بو کون نینگ ناملنیشی ۱۹۴۶ نچی ییل لندن شهریده ۲۵ مملکت نماینده لری نینگ بیرینچی ییغیلیشینی ایسلش اوچون دیر. بو تاریخی ییغیلیشده، خلق ارا سویه ده استندردلشتیریشنی آسانلشتیریش و هماهنگ قیلیش اوچون بیر خلق ارا تشکیلات قوریش گه قرار قیلینگن. بو قرار بیر ییل کیین، ۱۹۴۷ نچی ییلده خلق ارا استندردلشتیریش تشکیلاتی (ISO) نینگ تاسیس ایتیلیشی گه سبب بۉلگن.
خلق ارا استندردلر کونی بیرینچی مرته ۱۹۷۰ نچی ییلده نشانلنگن. بو کون نینگ اساسی مقصدی خلق ارا اقتصادده استندردلرنینگ اهمیتی گه تاکید قیلیش دیر. خلق ارا استندردلر، محصوللر و خدمت لرنینگ کیفیتی نی یخشی لش، خوفسیزلیک نی تضمینلش، خلق ارا تجارت نی آسانلشتیریش و دواملی رواجلنیشنی قوللب قوتلشده حیاتی رول اۉینه یدی.
هر ییلی، بو کون استندردلشتیریش نینگ مهم بیر جنبه سی گه تمرکز قیلگن مخصوص بیر شعار بیلن نشانلنه دی. بو شعارلر، استندردلرنینگ اقلیم اۉزگریشی، ییمک خوفسیزلیگی و تازه انرژی گه قول ییتیب آلیش کبی خلق ارا قیینچیلیکلر بیلن کوره شیشده کوچلی واسطه لر ایکنلیگی مفهومینی ترغیب قیلیش گه یاردم بیره دی.
قیته قوریش و اقتصادی رواجلنیش یۉلیده بۉلگن افغانستان کبی بیر مملکت اوچون، خلق ارا استندردلرنی قبول قیلیش و تطبیق اېتیش مخصوص اهمیت گه اېگه. افغانستان ملی استندرد اداره سی (انسا) مملکتده استندردلرنی تیارلش و تطبیق قیلیش مسئولیتی نی اۉز ذمه سیگه آلگن و ایچکی محصوللرنی خلق ارا معیارلر بیلن ماسلشتیریش گه حرکت قیله دی.
بو ایش نه فقط خلق ارا بازارلرده افغانی ماللرنینگ کیفیتی و رقابت قابلیتی نی آشیشی گه یاردم بیره دی، بلکه ایچکی استهلاکچیلر و محیط زیستنی هم ق۬ریقلش گه سبب بۉله دی. بو کوننی نشانلش، بو مهم مقصدلرگه قه
یته تاکید قیلیش اوچون بیر فرصت دیر.
منبع: خلق ارا استندردلشتیریش تشکیلاتی (ISO)
🌐
