امریکا قوشمه ایالتلری نینگ اورگن ایالتی نینگ بند شهریده گی بیر باشلنغیچ مکتبده اویوشتیریلگن اۉق اوزیش حادثه‌سیده، اوچ باله شامل، تۉرت کیشی هلاک بۉلیب، ایککی کیشی آغیر یره لندی. بو قانلی واقعه پنجشنبه کونی سیلور ریل باشلنغیچ مکتبیده یوز بیرگن.
فاکس نیوز گزارشیگه کۉره، بو حادثه نینگ قربانلری ۵، ۸ و ۱۱ یاشر اوچ باله و بیر اۉقیتووچی دیر. شونینگدېک، بیر ییتّی یاشر باله و بیر ۵۴ یاشر اۉقیتووچی آغیر یره‌لر بیلن شفاخانه گه ییتکیزیلگن و اولرنینگ وضعیتی آغیر دیب گزارش بېریلگن.
گزارشده کیلیشیچه، هجومچی، بیر ۱۶ یاشر ییگیت، مکتب نینگ قفل دروازه لریگه اۉق اوزیب ایچکریگه کیرگن. ایتیلیشیچه، هجومچی مکتب ایچیگه کیرگنیدن سۉنگ، بیر قوراللی وطنداش تامانیدن اۉققه توتیلیب اۉلدیریلگن.
هجومچی نینگ کیملیگی و هجوم نینگ انگیزه‌سی هلی انیقلنمه‌گن و پولیس نینگ تیکشیروو لری دوام ایتماقده. بو واقعه امریکا قوشمه ایالتلریده قورال کنترولی و مکتب لر خوفسیزلیگی باره‌سیده گی بحث لرنی ینه بیر بار آلوولنتیردی.
امریکالیک مکتب لرده گی اۉلیملی اۉق اوزیش لر، هر ییلی اونلب قربان بیلن نتیجه لنه‌دیگن خواطرلی بیر پدیده گه ایلنگن. قورال کنترولی فعاللری قورال ساتیب آلیش و ساتیلیشی اوچون قطعی قانونلرنی طلب قیله‌دیلر، حال بو که، بو نوع قانون لرنینگ مخالف لری امریکا اساسی قانونی نینگ ایککینچی تۉزه تیشی اساسیده وطنداش لرنینگ قورال تشیش حقیگه تاکید ورماقده‌لر.
منبع: Fox News
🌐
