محلی منبعلر طالبان حکومتی نینگ استخبارات کوچلری جمعه کونی کابل شهریده پوهنتون استادی و یازووچی دین‌محمد جاویدنی قولگه آلگنینی معلوم قیلدی.
افغانستان اینترنشنال معلوماتیگه کۉره، مذکور سابق استاد کابلده‌گی اوییدن قولگه آلینیب، نامعلوم مکانگه آلیب کېتیلگن. حاضرگچه جاوید جنابلری نینگ قولگه آلینیش سببی و سقلنیش جای انیقلنمه‌گن.
دین‌محمد جاوید بوندن آلدین کابلده‌گی ابن‌سینا پوهنتونیده تدریس بیلن شُغیلله‌نر اېدی و بیر قطار مقاله‌لر و اثرلر یازگن.
طالبان حکومتی نینگ رسمی‌لری اوشبو استاد نینگ اوشلَنیشی و اونگه قۉییلگن عیبلر خصوصیده انیق بیانات بېرمه‌گن.
بوندن ایلگری هم افغانستان نینگ تورلی ولایتلریده پوهنتون استادسی، یازووچیلر و مدنی فعاللر نینگ قولگه آلینیشی باره‌سیده کۉپلب خبرلر ترقه‌لگن اېدی.
بیرلشگن ملتلر تشکیلاتی نینگ قاچاقینلر بۉییچه عالی کمیسارلیگی اۉز هسابتیده پوهنتون استادسی، منتقیدلر و یازووچیلر خوف-خطر آستیده اېکنلیگیدن آگاهلنتیرگن اېدی.
خلق‌ارا عفو تشکیلاتی هم ۱۴۰۵-ییلگی هسابتیده یازووچیلر و فعاللر نینگ اۉزباشیمچه‌لیک بیلن قولگه آلینیشیدن جدی خواطر بیلدیرگن اېدی.
منبع: افغانستان اینترنشنال
🌐
