افغانستانده طالبان حکومتی قایتادن حاکمییتنی قولگه کیریتگنیدن سۉنگ، قیزلر و عیاللر مکتبلر و بیلیم یورتلری ایشیک‌لری یاپیق قالیشی سببلی اساسی حقوقلریدن محروم قالماقده‌لر. تعلیم تۉخته‌تیلگن قیزلر اوشبو چیکلاولر اولر نینگ کیله‌جک آرزولرینی برباد قیلگنینی ایتماقده‌لر.
زرین تی وی ترقه‌تگن معلوماتلرگه کۉره، تعلیم علمیدن اوزیلگن قیزلر نینگ بیلدیروشیچه، طالبان حکومتی تامانیدن جلب قیلینگن کینگ تۉسیقلر عیاللرنی اوی ایچیده قید قیلیب، مینگلرچه قیزنی درس کیتابلریدن اوزاقلشتیرگن.
مذکور قیزلر نینگ تائکیدلشیچه، مکتبلر باغلنگنی باعث اولر شفاخونه‌لرده داکتر، مکتبلرده اۉقیتووچی، انجنیر و صنعتکار بۉلیب ایشلش امکانیتیدن و بیلیم یورتلریده اۉقیشدن مهجور قالگنلر.
آلتینچی صنفدن یوپاری قیزلر اوچون مکتبلر یاپیلیشی و عالی بیلیم یورتلریده قیزلر اۉقیشی منعه اېتیلیشی طالبان حکومتی نینگ اساسی قراری بۉلیب، خلق ارا و ایچکی داره‌جه‌ده بویوک ناراضیلیکلرنی اویغاتگن.
تعلیمدن محروم قالگن قیزلر نینگ اورغولشیچه، اولر نینگ اینگ بویوک قیینچیلیگی حیات ییللری ضایع بۉلیشی و مقصدلر یۉلیده تۉخته‌ب قالیشدیر، حالانکه عایله‌لر قیزلری نینگ قایتادن مکتبگه باریشینی کوتماقده‌لر.
برچه قیینچیلیکلر و باسیملرگه قره‌مسدن، اوشبو قیزلر امیدسیزلیککه بۉیین اېگمه‌گنلرینی و اۉزلیگینی رواجلنتیریش و تعلیم الیش اوچون حرکتنی دوام اېتدیره‌یاتگنلرینی بیلدیرگنلر.
منبع: زرین تی‌وی
🌐
