جنوبی افریقا پولیسی معلوماتیگه کۉره، مذکور مملکتده اوچ آی مابینیده ۵۸۱ عیال اۉلدیریلگن. بو رقملر جوهانسبرگ شهری اطرافیده جسدلری تاپیلگن ۱۳ عیالنی هم اۉز ایچیگه آله‌دی که بو حالت اهالی نینگ قطعی ناراضیلیگیگه سبب بۉلدی.

ینگی قوراللی هجوملر دوامیده، فری‌استیت ولایتیده هجومچیلر اوشبو هفته باشیده بېش عیال و بیر باله‌نی آتیب اۉلدیردی. پولیس نینگ ایتیشیچه، نقابدار اوچ ایرکک چهارشنبه کونی کیچقورون بوتشابلو تومنیده‌گی اویگه باسیب کیریب، اوی اېگه‌سینی تاپالمه‌گچ اهالیگه قره‌ته اوق اوزگن و اوی بیبیسی یره‌لنگن.

گائوتنگ ولایتی پولیس باشلیغی بو حقده اعلان قیلیب، جوهانسبرگ ده اۉلیکلری تاپیلگن ۱۳ عیال نینگ قتلی بۉییچه حاضرگچه سگیز کیشی قولگه آلینگنینی معلوم قیلدی.

قولگه آلینگنلردن اوچ نفری، یولیقیش پیتیده یۉقالیب کېتگن ۳۸ یاشلی الیزابت موسلاکگومو نینگ اۉلیمی بیلن عیبله‌نماقده. ایککی کیشی ایسه جابولیله نتیمبا نینگ اولدیریلیشی باعلانیشده اوشلنگن.

پولیس شونینگدېک تمبیسا قبیریستانیده جسدی تاپیلگن نومبیفوتی نکسومالو نینگ اۉلیمی و باشقه بیر هجوم بۉییچه باشقه گمانلنووچیلر نظارت آستیگه آلینگنینی بیلدیردی.

جنوبی افریقا رسمی ادامه‌لری گواهلیک بېریشیچه، جولای دن سپتامبر گچه ۵٬۵۹۰ کیشی مملکت بویلب اولدیریلگن که اۉتگن ییلگه نسبتن ۲۰۴ ته‌گه کمه‌یشنی کۉرساتسه-ده، کونیده اورته‌چه ۶۰ کیشی اولدیریلیب توریلگنینی بیلدیریشیدیر.

منبع: جنوبی افریقا پولیس اداره‌سی

🌐

Author