د ایر فرانس، بریټیش ایرویز او کی ال ام په ګډون لویو اروپایی هوایی شرکتونو منځني ختیځ ته خپلې الوتنې ځنډولې دي.
ایر فرانس تایید کړه چې د سیمې د امنیتي وضعیت د بدلون له امله یې تل ابیب او دوبۍ ته الوتنې لغوه کړې دي او د بیا پیل لپاره یې وخت نه دی ټاکلی .
بریټیش ایرویز هم دوبۍ ته خپلې شپې الوتنې بندې کړې او ویلي یې دي چې وضعیت له نږدې څاري. دغه شرکت زیاته کړې چې د اړتیا په صورت کې به د الوتنو پر نورو لارو غور وکړي ترڅو د مسافرو خوندیتوب ډاډمن شي .
په ورته وخت کې، د هالینډ کی ال ام شرکت اسرائیل، سعودي عربستان او متحده عربي اماراتو ته خپلې الوتنې درولې دي. دا پریکړې په منځني ختیځ کې د امنیتي حالاتو په اړه د نړیوالو اندیښنو زیاتوالی ښيي .
