د امریکا د ملي امنیت جګپوړو چارواکو په یوه غونډه کې ډونالډ ټرمپ ته وویل چې پوځ په ایران د بریدونو پیلولو ته پوره چمتووالی لري. خو باوري سرچینې وايي چې هر ډول احتمالي اقدام به له دې اونۍ وروسته ترسره کیږي او تر اوسه وروستۍ پریکړه نه ده شوې .
سپینه ماڼۍ د دې اقدام د درنو سیاسي او پوځي پایلو ارزونه کوي او ټرمپ له خپلو سلاکارانو او متحدینو سره په مشوره بوخت دی. په ورته وخت کې، پنتاګون د ځوابي بریدونو د خطر کمولو لپاره خپل ځینې ځواکونه په راتلونکو ورځو کې له منځني ختیځ څخه وباسي .
دغو پرمختګونو په سیمه کې تاوتریخوالی خورا زیات کړی دی. که څه هم د ځواکونو لیږد یو معمول پوځي کار بلل شوی، خو په واشنګټن کې جدي بحثونه د مخامخ نښتې احتمال ښیي او د امریکا ولسمشر د دې پریکړې په ګټو او زیانونو ډیر فکر کوي .
د امریکا پوځ ډونالډ ټرمپ ته په ایران د برید غوراوي وړاندې کړل
