د «نارت ویسټرن میډیسن» یوه نوې څیړنه ښیي چې د خوب له وخت سره د ډوډۍ خوړلو تنظیمول کولای شي د زړه روغتیا او میټابولیزم په حیرانونکي ډول ښه کړي. په دې څیړنه کې، هغو ګډونوالو چې له خوب څخه درې ساعته مخکې ډوډۍ خوړل بند کړل او د څراغونو رڼا یې کمه کړه، د وینې فشار او د زړه ضربان یې ټیټ شو .
ډاکټران وايي چې یوازې د خوړو ډول او اندازه مهمه نه ده، بلکې د خوب په نسبت د خوړلو وخت هم ډیر ارزښت لري. دا طریقه چې د «اوږدې شپې روژې» په نوم یادیږي، بدن ته اجازه ورکوي چې د زړه او هاضمې سیسټم ترمنځ ښه همغږي رامنځته کړي او په سبا ورځ کې د وینې د شکر کنټرول آسانه کړي .
دا موندنې د هغو منځني عمر لرونکو او مشرانو لپاره ښه خبر دی چې د زړه د ناروغیو او شکرې له خطر سره مخ دي. د دې ساده تګلارې په تعقیب او له درملو پرته، خلک وتوانیدل چې د وینې فشار تر ۳.۵ سلنه راکم کړي او خپله عمومي روغتیا د بدن د بیولوژیکي ساعت په تنظیمولو سره پیاوړې کړي .
له خوب سره همغږې روژه د زړه روغتیا ښه کوي
