د کابل او اسلام آباد ترمنځ ناندرۍ زیاتې شوي او پاکستان اعلان کړی چې د طالبانو پر وړاندې ټول غوراوي په پام کې لري. د پاکستان د بهرنیو چارو وزارت ویاند طالبان تورن کړل چې د افغانستان له خاورې د پېښو ګواښونو پر وړاندې بې تفاوت دي او خبرداری یې ورکړ چې د دوی زغم نور ختم شوی دی.
طاهر اندرابي د خپل هېواد د دفاع وزیر هغه خبرې هم تایید کړې چې د احتمالي پوځي برید په اړه یې کړې وې. داسې ښکاري چې پاکستان غواړي پر افغان حکومت فشار راوړي ترڅو هغه وسله والې ډلې مهار کړي چې اسلام آباد ته ګواښ پېښوي.
دا ګواښونه په داسې حال کې کیږي چې پر ډیورند کرښه وضعیت ترینګلی دی. کارپوهان وایي چې هر ډول پوځي اقدام به د دواړو هېوادونو اړیکې نورې هم خرابې کړي او د عامو خلکو ژوند به له ستونزو سره مخ کړي.
پاکستان خبرداری ورکړ چې د طالبانو پر وړاندې یې زغم پای ته رسېدلی
