د طالبانو حکومت سیمه ییزو چارواکو تایید کړې چې په لوګر ولایت کې د اوو ترافیکي پیښو له امله دوه کسان مړه شوي دي. دا خونړۍ پیښې په تیرو څلرویشت ساعتونو کې د دې ولایت په بیلا بیلو سیمو کې رامنځته شوې دي.
د چارواکو په وینا په دې پیښو کې اته نور کسان سخت ټپیان شوي چې د درملنې لپاره ځایی روغتون ته لیږدول شوي دي. د شپږو ناروغانو روغتیایی وضعیت خورا د اندیښنې وړ ښودل شوی او تر جدي څارنې لاندې دي.
د موټر چلوونکو بې احتیاطي او زیات سرعت د دې پیښو اصلي لاملونه بلل شوي دي. خو افغان ښاریان د سړکونو له خرابوالي شکایت کوي او وایي چې د ترافیکي نښو نشتوالی د ورته خونړیو پیښو د زیاتیدو لامل شوی دی.
#لوګر #ترافیکي\_پیښې #افغانستان #د\_طالبانو\_حکومت
🌐
Cloudflare