د طالبانو حکومت د بهرنیو چارو وزارت د کونړ ولایت پر ملکي سیمو د پاکستان د وروستیو بریدونو په غبرګون کې د دغه هیواد شارژدافیر احضار کړ. دې وزارت د افغانستان د هوایی حریم سرغړونه په کلکه وغندله او دا یې د نړیوالو اصولو خلاف عمل وباله.
د دې توغندیزو بریدونو په ترڅ کې لسګونه ملکي وګړي وژل شوي او ټپیان دي او د ځایی خلکو وضعیت د اندیښنې وړ دی. د طالبانو حکومت د پاکستان هغه ادعاوې رد کړې چې ګواکې تاوتریخوالی د افغانستان لخوا پیل شوی او د دې تاوتریخوالي د ریښو د دقیقې څیړنې غوښتنه یې وکړه.
افغان چارواکو خبرداری ورکړی چې د داسې غیر مسوولانه کړنو دوام کولی شي خورا بدې پایلې ولري. د دې نښتو سره هم مهاله د دواړو هیوادونو ترمنځ ټولې سرحدي لارې د مسافرو پر مخ تړلې دي.
#افغانستان #پاکستان #د\_طالبانو\_حکومت #کونړ
🌐
