په کابل کې د پاکستان سفیر عبیدالرحمان نظاماني د طالبانو له حکومت څخه غوښتي چې د هغو ترهګریزو ګواښونو پر وړاندې عملي اقدامات وکړي چې د افغانستان له خاورې سرچینه اخلي. هغه ټینګار وکړ چې سولې ته د پاکستان لیوالتیا باید د کمزورۍ نښه ونه ګڼل شي.
په کابل کې د پاکستان سفارت اعلان وکړ چې دا هیواد له افغانستان سره دوستانه اړیکو ته ژمن دی، خو د امنیتي ګواښونو مخنیوی مشخصو اقداماتو ته اړتیا لري. ښاغلي نظاماني دا څرګندونې د پاکستان او هند د جګړې د کلیزې په مراسمو کې وکړې او د خپل هیواد پر دفاع یې ټینګار وکړ.
د طالبانو حکومت تر اوسه دې څرګندونو ته کوم غبرګون نه دی ښودلی، خو تر دې وړاندې یې تل د افغانستان په خاوره کې د وسله والو ډلو شتون رد کړی دی. د دواړو لوریو ترمنځ په وروستیو سرحدي نښتو کې لسګونه افغان ملکي وګړو خپل ژوند له لاسه ورکړی دی.
#پاکستان #افغانستان #طالبان #امنیت
🌐
