په هلمند ولایت کې د کابل هرات پر لویه لار د یوې خونړۍ ترافیکي پېښې له امله یو افغان خپل ژوند له لاسه ورکړ او درې نور ټپیان شول. د طالبانو حکومت د پولیسو قوماندانۍ د سنګیلان په سیمه کې د دې پېښې رامنځته کېدل تایید کړي دي.
دا پېښه هغه مهال رامنځته شوه چې یو فرونر ډوله موټر له کابل څخه هرات ته روان و او د چلوونکي د بې احتیاطۍ له امله له سړک څخه واوښت او چپه شو. د دې پېښې ټول ټپیان سمدستي ځايي روغتون ته لېږدول شوي او دا مهال تر درملنې لاندې دي.
په دې وروستیو کې په افغانستان کې ترافیکي پېښې په بې ساري ډول زیاتې شوې دي. هېوادوال د سړکونو خرابوالي او د ترافیکي نښو نشتوالي ته پر نه پاملرنې نیوکه کوي او دا پېښې په هېواد کې تر ټولو خونړۍ ننګونې بولي.
🌐 #هلمند #ترافیکي\_پېښه #افغانستان #خبرونه
