د ملګرو ملتونو د بشري مرستو د همغږۍ دفتر ویلي چې افغانستان په نړۍ کې د میندو د مړینې تر ټولو لوړه کچه لري. د راپورونو له مخې، په دې هیواد کې د هرو سلو زرو ژوندیو زیږونونو څخه شپږ سوه میندې خپل ژوند له لاسه ورکوي.
دغه بنسټ زیاتوي چې د نرسانو او ښځینه روغتیایی کارکوونکو د هلو ځلو سره سره، د طالبانو حکومت لخوا پر ښځینه کارکوونکو لګول شوي محدودیتونه روغتیایی خدمتونو ته د لاسرسي مخه نیولې ده. دا وضعیت د مړینې د زیاتوالي اصلي لامل ګڼل کیږي.
وروستیو څیړنو ښودلې چې په روغتونونو او کلیوالو سیمو کې د ښځینه ډاکټرانو او قابلو کمښت د میندو روغتیا له جدي ګواښ سره مخ کړې ده. د زیږون وروسته پاملرنه د روغتیایی سیسټم تر ټولو کمزورې برخه ده چې ډیری میرمنې ورڅخه محرومې دي.
#افغانستان #میندې #روغتیا
🌐
