د برېتانیا د رسنیو د راپورونو له مخې د دغه هېواد لومړی وزیر کیر سټارمر به ډېر ژر له خپلې دندې ګوښه شي. تمه کیږي چې هغه به له خپلې کورنۍ سره تر مشورو وروسته دغه پرېکړه په رسمي ډول اعلان کړي. د هغه تګ به انډي برنهم ته لار هواره کړي چې د برېتانیا نوی لومړی وزیر شي.
سټارمر که څه هم په ۲۰۲۴ کال کې د کارګر ګوند لپاره ستره بریا ترلاسه کړه خو د هغه محبوبیت اوس ډېر کم شوی دی. سیاسي ناندریو او د دریځونو پرله پسې بدلونونو د هغه واک او اعتبار ته لوی زیانونه اړولي دي.
د کارګر ګوند له سلو ډېرو غړو د وروستیو ماتو له امله د هغه د استعفا غوښتنه کړې ده. که هغه پخپله دنده پرې نه ږدي نو ښايي له جدي کورنیو ننګونو سره مخ شي، ځکه د هغه د مخالفو استازو شمېر د پام وړ لوړ شوی دی.
#برېتانیا #سیاست #کارګر\_ګوند
🌐
