افغان د ګډو رزمي هنرونو لوبغاړی، احمد سهیل جعفری ټاکل شوې چې په یوه حساسه سیالۍ کې د خپل پاکستانی سیال، عظیم خان پر وړاندې د مبارزې قفس ته ننوځی. دا په زړه پورې لوبه به د اویا کیلوګرامه وزن په کټګورۍ کې د روان لمریز کال د چنګاښ میاشتې په اووه ویشتمه نیټه ترسره شی.
دا سیالی چې د انفینیټ چمپین شیپ سازمان لخوا تنظیم شوې، د پاکستان په پلازمینه اسلام اباد کې د لیاقت په لوبغالي کې ترسره کیږي. د دې مبارزې اصلی موخه د یاد سازمان د اتلولۍ کمربند ترلاسه کول دي چې د دواړو لوبغاړو لپاره یې ارزښت لا پسې زیات کړی دی.
دواړه مبارزین روښانه مخینه لري او په ټوله کې یې دوه دیرش لوبې کړې دي چې پایله یې اووه ویشت بریاوې او یوازې پنځه ماتې دي. جعفری د یوه غوره افغان استعداد په توګه، د خپل لومړنی اتلولۍ کمربند د ګټلو لپاره په پنځو درې دقیقه یی پړاوونو کې په لوړه انګیزه سیالی کوی.
#ورزش #افغان\_لوبغاړی #سهیل\_جعفری #اتلولی #مبارزه
🌐
