د ملګرو ملتونو د بشري حقونو ځانګړي راپور ورکوونکي وویل چې د افغانستان د ماشومانو ژوند وېره، اوښکې او ناهیلي جوړه کړې ده. هغه د طالبانو له پالیسیو او د ماشومانو له ودونو څخه انتقاد وکړ.
ریچارډ بینټ وویل چې طالبانو د ماشومانو د ساتنې قانوني چوکاټونه له منځه وړي او د نجونو زده کړه یې له شپږم ټولګي وروسته منع کړې ده.
هغه د طالبانو د مشرانو له غیر انساني څرګندونو څخه خپله اندېښنه څرګنده کړه او وویل چې دا پالیسۍ د ماشومانو راتلونکی تیاره کوي.
#بشري\_حقونه #د\_افغانستان\_ماشومان #ملګري\_ملتونه 🌍
