عراق باش وزیری علی الزیدی، دولت کنترالی دن تشقری ده گی قوراللی گروه لرنینگ ۲۰۲۷ نچی ییل ۳۰ نچی جون گچه قورال لرینی حکومت گه تاپشیریشی کېره کلیگینی اعلان قیلدی. او بو جریان نینگ بیرینچی اکتوبردن باشلنگنینی و معین بیر زمان جدول ایگه اساسله نیب آلغه باره جگینی تاکیدله دی.
جناب الزیدی اۉز سۉزلریده، قورال نینگ دولت قۉلیده انحصاری بۉلیشی نینگ بیر ملی ضرورت ایکنینی آچیقلب، بغداد نینگ برچه قوراللی گروه لرنی مملکت نینگ رسمی خوفسیزلیک و حربی اداره لری چوکاتیده جذب ایتیش گه حرکت قیله یاتگینینی بیلدیردی. بو اقدام، مرکزی دولت نینگ حاکمیتی نی کوچه‌یتیریش اوچون کینگراق سعی و حرکت لرنینگ بیر قسمی دیر.
ینگی ریجه گه کۉره، قوراللی گروه لر اول هجوم لرنی ۹۰ کون توخته تیب توریش دوره‌سیگه کیره دیلر و اوندن سۉنگ، اۉز ینгил و آغیر قورال لرینی دولت گه تاپشیریش جریانی باشلنه دی. بو، کېسکین لیک لرنی کمه‌یتیریش و تامان لر آره سیده ایشانچ پیدا قیلیش اوچون مهم بیر قدم حسابلنه دی.
بو وضعیت، عراق حکومتی نینگ آلدین ۲۰۲۶ نچی ییل سپتامبر آیی نینگ آخری نی قورال سیزلنتیریش اوچون مۉهلت ایتیب اعلان قیلگن پیتده یوز بیرماقده. لېکن، بعضی کوچلی قوراللی گروه لرنینگ قرشی لیگی دن سۉنگ، بو جریان قیینچیلیک گه دوچار بۉلیب، حکومت نی ینگی و واقع بینانه بیر زمان جدولی تقدیم ایتیش گه مجبور قیلدی.
دولت اختیاری دن تشقری ده گی قورال لرنی کنترول قیلیش مسئله سی، ۲۰۰۳ نچی ییلده صدام حسین رژیمی ییقیلگن دن بېری عراق حکومت لری اوچون اینگ کتته قیینچیلیک لردن بیری بۉلگن. کوپ سانلی قوراللی گروه لرنینگ موجودیتی، مملکت نینگ ثباتی و خوفسیزلیگینی دواملی روشده تهدید ایتیب کیلگن.
حاضر امریکا قۉشین لری نینگ عراق دن تولیق چیقیب کېتیشی بیلن بیرگه، بو بحث یېنه بیر بار اعتبار مرکزیده قرار تاپگن. عراق حکومتی، بو گروه لرنی قورال سیزلنتیریب و دولتی نهاد لرنی کوچه یتیریب، بوتون مملکت بۉیلب اۉز حاکمیتی نی مستحکم قیلیش و کوپراق هرج و مرج نینگ آلدینی آلیش گه حرکت قیلماقده.
منبع: زرین تی وی
🌐
