امریکا قوشمه ایالتلری پرېزیدېنتی دونالد ترامپ معلوم قیلدی که ایرانگه قرشی هر قنده‌ی اېحتمالی هجوم بیرینچی هجومدن تقریبن بیش برابَر ییریکراق بوله‌دی. او سی‌اسپن تلوېزیونی بیلن بۉلگن صحبتیده ینگی حربی حرکتلر مقیاسی اېنگ یوقاری درجه‌ده بولیشینی بیلدیردی.
امریکا پرېزیدېنتی بوشقه‌روویده حاضرگی سیاست نینگ دوام اېتیشی منطقه‌ده‌گی دؤولتلر بیلن اۉتکزیلگن سوزلشوو نینگ نتیجه‌سی اېکنینی، بو مملکتلر ینگی هجومدن کۉره شونده‌ی یۉلنی ترجیح بېریشینی اورغوله دی.
ترامپ آق اوی‌ده قطر باش وزیری بیلن اوچره‌شوویگه همده سعودی عربستان، بیرلشگن عرب امیرلیکلری، بحرین و کویت رسمی‌لری بیلن بۉلگن مصلحتلریگه اشاره قیلیب، بو قۉشنی دؤولتلر قتیق هجوملر آستیده قالگنینی اېسلتیب اۉتدی.
او قۉشیمچه قیلیشیچه، اوشبو دؤولتلر بیلن بۉلگن سوزلشوولر اولر نینگ دیپلوماتیک یۉلنی معقول کۉریشینی کۉرسه‌تدی و او هم خوددی شو اصول بۉییچه ایشلرنی آلیب بارماقچی.
امریکا پرېزیدېنتی اوروش نینگ قچان توگشی بیلن باغلیق سوراوگه جواب بېریب، واشنگتن بو ایشنی جوده تېز خلاص قیلیشی یا-ده اوزاقراق بیر مدّتده یکونله‌شی ممکنلیگینی بیلدیردی.
ترامپ اینیقسه ایران نینگ بیر کېلیشووگه اېریشیش نیتیده اېکنینی تأکیدلب، بو کبی بیر کېلیشووگه قول ییتکیزیله‌دیمی یا یۉقمی، واقت کۉرسه‌ته‌دی دئیه سۉزینی توگتدی.
منبع: سی‌اسپن تلوېزیونی
🌐
