کابل یشاوچیلری آمو تلویزیونیگه ایتگنلریچه، طالبان مقام لری شهرنینگ بعضی «زورآباد» دیب اتلگن منطقه لریده، اوی اېگه لریگه اولرنینگ یېرلری دولتگه تېگیشلی ایکنینی و او اوچون کرایه تۉلشلری کېره کلیگینی بیلدیرگنلر.
بو گزارش اساسیده، بو قرار قوای مرکز، قول آبچکان، دهمزنگ و گذرگاه کبی منطقه لرنی اۉз ایچیگه آله دی. طالبان مقام لری بو منطقه لر یشاوچیلریگه، اویلری دولت ملکیتیده قوریلگنی اوچون، بو یېرلردن فایده له نیشلری اوچون حکومتگه کرایه تۉلشلری کېره کلیگینی ایتگنلر.
یشاوچیلرنینگ ایتیشیچه، طالبان گذر وکیل لریدن تاغلرنینگ اېتکلریده و «زورآباد» منطقه لریده فرعی (عرفی) قباله لر بیلن قوریلگن اویلرنینگ دقیق آمارینی ییغیب اولرگه تقدیم ایتیشلرینی سۉره گن. بو ایش ظاهراً بو اویلرنی ثبت قیلیش و کرایه آلیش جریانینی تنظیملاش مقصدیده عملگه آشیریلماقده.
منبعلر آمو گه ایتگنلریچه، قرار بوییچه بو اویلردن کرایه آلیش جریانی کېله سی آیدن باشلنیشی کوتیلماقده. بو موضوع بو منطقه لرده یشه یاتگن مینگلب عایله لر اوچون کплаб خواطرلر ایجاد قیلگن.
«زورآباد» دیب مشهور بۉلگن بو منطقه لر، اوتگن اون ییللیکلرده غیررسمی شکلده و قانونی ملکیت حجت لریسیز شکللنگن و اساساً اونینگ یشاوچیلرینی کم درآمدلی کیشیلر و ایچکی کۉچیریلگنلر تشکیل بېره دی.
حاضرگچه طالبان حکومتی نینگ رسمی مقام لری بو حقده علناً فکر بیلدیرمه گنلر. شونده ی بۉلسه ده، اگر بو قرار اجرا ایتیلسه، حاضرده هم جدی اقتصادی بحران بیلن کوره شیب تورگن عایله لرنینگ یېلکه سیگه آغیر بیر مالی یوک قۉییلیشی ممکن.
غصب ایتیلگن یېرلر و قباله سیز اویلر موضوعسی کابل و افغانستان نینگ باشقه بویوک شهرلریده گی بویوک بیر شهری معمالردن بیری بۉلیب، آلدینگی حکومتلر هم اونگه تولیق بیر ییچیم تاپه آلمه گن اېدیلر.
منبع: آمو تلویزیونی
🌐
