رواداری حقوق بشر تشکیلاتی، خلق ارا جنایی محکمه سی تامانیدن طالبان کابینه سی نینگ ایکّی وزیری نینگ توتیش بویروغی آشکار بولگنینی خوش قرشیله ب، بو اقدامی افغانستانده جوابگرلیک و جزادن معافیت فرهنگینی کوره شیش یولیده مهم بیر قدم دیب آته دی.
اوشبو تشکیلات بیر بیانیه ده بارچه مملکتلردن طالبانگه قرشی خلق ارا قضایی جریانلرنی حمایه قیلیشلرینی و محکمه نینگ قرارینی جدی آلیشلرینی سۉره دی. رواداری، قربانلرنینگ عدالتگه قول تاپیشینی تامینلش و جزادن معافیت بیلن کوره شیش نینگ خلق ارا جمعیت نینگ مشترک مسئولیتی ایکنینی تاکیدله دی.
رواداری نینگ بیانیه سیده شونده ی کیلگن: «افغانستانده حقوق بشر پامال بولیشی نینگ قربانلری ییللردن بېری عدالت، حقیقت و اۉز دردلرینی تانیلیشی اوچون دادخواه لیک قیلیب کېلماقده لر. بو سسلر سیاسی اۉزگریشلر و قیسقه مدتلی خلق ارا ملاحظه لر آره سیده اعتبارگه آلینمسلیگی کېره ک اېمس».
بو حقوق بشر تشکیلاتی افغانستانده عیال و قیزلرنینگ یامان وضعیتیگه اشاره قیلیب، اولرنینگ اوتگن بیش ییل ایچیده سیستملی شکلده تعلیم، ایش، یوریش توریش اېرکینلیگی و اجتماعی حیاتده قتنشیش کبی اساسی حقوقلریدن محروم بولگنلرینی ایتدی. بو سیاستلر خلق ارا جنایی محکمه سی تامانیدن انسانیتکه قرشی جنایت (جنسیتی اذیت و آزار) اوله راق تانیلگن.
رواداری، محکمه نینگ سونگگی اقدامی نینگ افغانستانده آغیر حقوق بشر پامال بولیشلری و خلق ارا جنایتلرگه قرشی جوابگرلیک جریانینی کوپراق کوچه‌یتیریشگه و قربانلر اوچون عدالت تامینلش یولینی آچیشگه یاردم بیریشیگه امید بیلدیردی.
بو طلب، خلق ارا جنایی محکمه سی نینگ اۉز توتیش بویروغلرینی اجرا قیلیش اوچون اعضا مملکتلرنینگ همکارلیگیگه محتاج بولگن و طالبان نینگ اوشبو محکمه نی تانیمس لیگینی اعلان قیلگن بیر پیتده اورته گه قوییلماقده.
منبع: رواداری حقوق بشر تشکیلاتی
🌐
