گزارش لرگه اساساً، طالبان حکومتی کابل نینگ غربیده گی امید سبز شهرچه سی یشاوچیلرینی، اۉزلری نینگ مالک بولگن اوی لریده یشش اوچون، بو گروه گه کرایه تۉلشگه مجبور قیلماقده. بو قرار، زور و تهدید بیلن اجرا ایتیلماقده و شخصی ملکیت لرنینگ غصب ایتیلیشی حقیده جدی تشویش لرنی یره تگن.
افغانستان اینترنشنل نینگ گزارشیگه کۉره، طالبان بو اوی لرنینگ هر بیر اتاقی اوچون آیده ۴ مینگ افغانی کرایه تعیین قیلگن. طالبان عدلیه وزیرلیگی نینگ قوراللی مامورلری اوی مه اوی یوریب و یشاوچیلرنینگ بارماق ایزینی آلیش بیلن، اولرنی بو اجباری قراردادنی قبول قیلیشگه مجبورله ماقده لر. بو مبلغ نی تۉلشگه قدرتی یۉق کیشیلرگه، اوی لرینی تخلیه قیلیشلری کېره
ک لیگی ایتیلگن.
بو سیاست، اوی لرنینگ اصلی اېگه لری و شونینگدیک آلدین اصلی اېگه لرگه کرایه تۉلب تورگن مستأجر لرنی هم اۉز ایچیگه آله دی. بو اقدام، بو شهرچه ده اوی لرنینگ ساتیش و ساتیب آلیش و کرایه بېریش نینگ بیر نیچه آی آلدین طالبان تامانیدن منع قیلینگن بیر پَیتده یوز بېرماقده.
بو قرار، طالبان نینگ عدلیه وزیرلیگی نینگ ۶ میزان ده، امید سبز شهرچه سی نینگ ۱۵۰۰ جریب دن آرتیق یېرینی «امارتی» یا دولتی دېب اعلان قیلگنیدن و یشاوچیلرگه ۱۵ اسد گچه اوی لرینی ترک ایتیش اوچون مهلت بېرگنیدن سۉنگ آلینگن.
شهرچه یشاوچیلری نینگ ایتیشیچه، طالبان نینگ اولر بیلن بولگن یانداشووی، «امارتی» دېب اعلان قیلینگن باشقه شهرچه لرگه قرَگنده، فرقلی و قتیقراق دیر. اولرنینگ ایتیشیچه، بعضی بو شهرچه لرده، ساتیش و ساتیب آلیش و ایجاره نینگ عادی روندی دوام ایتماقده، لیکن امید سبز ده وضعیت بوتونله ی فرقلی.
بیر شهرچه یشاوچیسی ایتگن که، طالبان نینگ فیصله سیگه کۉره، اولر کرایه نی جاری ییل نینگ ثور آییدن باشلب بو گروه نینگ اداره سیگه تۉلشلری کیره ک که، بو موضوع عایله لرنینگ اېلکه سیگه آغیر بیر مالی یوک نی قۉیه دی.
منبع: Afghanistan International
🌐
