پنجشیرده گی طالبان والیسی محمدآغا حکیم، سه شنبه کونی، دین عالملری نینگ منبرلردن اهالی گه معلومات بېریش اوچون فایده لنیشی و یاشلرنی او «باطل یۉل» دیب اتگن جریان لرگه قۉشیلیشدن تۉسیشی کېره لیگینی ایتدی.
جناب حکیم، پنجشیرده بیر ییغیلیشده صحبت قیلیب تورر ایکن، مخالف لرنینگ فکر و موضع لری منبر آرقه لی اهالی گه توضیح بېریلیشی کېره لیگینی تأکیدله دی، تا که اولر «حق و باطل» آره سیده فرق نی بیله آلسینلر.
پنجشیرده گی طالبان والیسی منبرنی «حق نی باطلدن تشخیص قیلیش نینگ یگانه یۉلی» دیب اتدی و دین عالملریدن بو «سنگرلرنی ایسیق سقلش» و یاشلرنی طالبان مخالف جریانلریگه قۉشیلیشدن تۉسیشنی سۉره دی.
طالبان پنجشیر ولایتیگه خاص دقت قره ته‌دی، چونکه بو ولایت طالبانگه قرشی قوراللی گروهلر، خصوصاً ملی مقاومت جبهه سی اوچون فعالیت و کوچ ییغیش نینگ اساسی مرکز لریدن بیری حسابلنه‌دی.
ملی مقاومت جبهه سی نینگ رهبری احمد مسعود، که پنجشیردن دیر، افغانستان نینگ شمالیده بو جبهه نینگ حربی فعالیتلرینی کینگه‌یتیریشگه حرکت قیلماقده.
تنقیدچیلرنینگ ایتیشیچه، طالبان نینگ انحصارچی سیاست لری مملکتده ناراضی لیکلرنی آشیرگن و بعضی کیشی لرنینگ قوراللی مخالف گروهلرگه قۉشیلیشی اوچون زمینه یره تگن.
منبع: محلی منبعلر
🌐
