امریکا قۉشمه ایالتلری نینگ افغانستان گه حربی هجومی نینگ ییگیرمه بېشینچی ییللیگی بیلن بیر وقتده، طالبان حکومتی بو کون نی قاره له دی. طالبان سۉزچیسی نینگ اۉرینباسری حمدالله فطرت، بیر پیامده بو واقعه نی «افغانستان تاریخیده بیر قاره کون» دېب توصیفله دی.
فطرت چهارشنبه کونی اکس اجتماعی ترماغیده یازگن پیامیده، افغان لرنینگ امریکا حربی حضوریگه قرشی کوره شی، افغانستان خلقی نینگ هیچ قنده‌ی بیر تشقی اشغال آلدیده باش اېگمه سلیکینی اثباتله‌گنینی آیتدی. او قۉشیمچه قیلدی که، بو هجوم سببلی یوز بیرگن ییگیرمه ییللیک اوروش، مینگلب افغان نی اۉلیمگه تارتدی و کۉپ سانلی مملکت اهالی سی نینگ یره لنیشی، زندانی بۉلیشی و آواره بۉلیشیگه سبب بۉلدی.
طالبان سۉزچیسی نینگ اۉرینباسری، اوشبو گروه نینگ تشقی کوچلر حضوری نینگ ایکّی دهه سی دوامیده، اۉزی «اشغال» دېب атаган نرسه گه قرشی مقاومت قیلگنینی و نهایتده بو حربی حضورگه خاتمه بېریشگه موفق بۉلگنینی ایتدی.
او شونینگدیک، کیله جکده افغانستان نی اشغال قیلیش نیتیده بۉلگن هر قنده‌ی مملکت، «افغانستان خلقی نینگ مقاومتی و کوره شی» بیلن روپه‌رو بۉلیشی حقیده آگاهلنتیردی. فطرت گه کۉره، افغان لر تشقی مداخله و اشغال گه تسلیم بۉلمَیدیلر و اۉز مملکتلری نینگ مستقل لیگینی مدافعه قیله دیلر.
امریکا قۉشمه ایالتلری ۲۰۰۱ نچی ییل نینگ ییتینچی اکتوبریده، یازده سپتامبر هجوملریدن سۉنگ، افغانستانده طالبان و القاعده شبکه‌سیگه قرشی حربی عملیاتینی باشله‌دی. طالبان نینگ بیرینچی رژیمی بو هجومدن بیر نیچه هفته کیین قوله‌دی، لیکن بو گروه و امریکا باشچیلیگیده گی کوچلر آره سیده گی اوروش تقریباً ایکّی دهه دوام اېتدی و ۲۰۲۱ نچی ییل نینگ اوتّیزینچی اگستیده امریکالیک کوچلرنینگ تۉلیق چیقیشی بیلن سۉنگگیگه ییتدی.
منبع: Zarin TV
🌐
