پاکستان دولت رسانه‌لری چهارشنبه کونی، ۱۵ میزان ده، بو مملکت نینگ امنیتی کوچلری خیبرپختونخوا و بلوچستان ایالتلریده ایکّی آیری عملیاتده ۱۸ جنگری نی اۉلدیرگنینی گزارش بېردیلر.
بو گزارشلرگه اساساً، بیر عملیات خیبرپختونخوا ایالتی نینگ شمالی وزیرستان منطقه‌سیده بولیب اۉتگن که نتیجه‌ده ۱۳ کیشی اۉلدیریلگن. پاکستان حکومتی بو کیشی لرنی تحریک طالبان پاکستان (TTP) اعضاسی دېب تانیتیب، اولرنینگ تروریستی فعالیتلرده قۄلی بۉلگنینی ایتگن.
ایکّینچی عملیات بلوچستان ایالتی نینگ مستونگ منطقه‌سیده عملگه آشیریلگن. بو عملیاتده هم بېش جنگری اۉلدیریلگن. پاکستان رسميلری بو کیشیلرنینگ مخفیگاهیدن بیر مقدار آغیر قورال و مهمات قولگه کیریتیلگنینی اعلان قیلدیلر.
بو عملیاتلر شونده‌ی بیر حالده عملگه آشیریلماقده که، سونگگی آیلرده پاکستان امنیتی کوچلریگه قرشی جنگریلرنینگ هجوملری آشگن. پاکستان اردوسی و پولیسی دواملی روشده بو منطقه‌لرده تروریزمگه قرشی عملیاتلر آلیب بارماقده لر.
رسميلر قۉشیمچه قیلدیلر که، هر ایکّی منطقه‌ده بو گروهلرنینگ باشقه اعضالرینی تاپیش اوچون قیдирув عملیاتلری دوام اېتماقده.
عینِ پیتده، پاکستان پولیسی خیبرپختونخوادا واقع بۉلگن کوهات نینگ شادی پور منطقه‌سیده بیر پولیس پاسگاهیگه جنگریلرنینگ هجومی، امنیتی کوچلر مقاومتی بیلن دفع ایتیلگنینی اعلان قیلدی.
منبع: Zarin TV
🌐
