طالبان حکومتی نینگ اقتصاد وزیرلیگی دین محمد حنیف، کابلده هندوستان ایلچیخانه سی نینگ ایشلرینی یولگه قۉیوچیسی یتین پټیل بیلن اوچره شیب، اقتصادی و توسعه همکارلیکلرنی کېنگه یتیریش و افغانستانده هندوستان نینگ چله قالگن لایحه لرینی یکونلش حقیده صحبت قیلدی.
اقتصاد وزیرلیگی نینگ خبرنامه سیگه کۉره، بو اوچره شوو وزیرلیک قرارگاهی ده بۉلیب اۉتگن و ایکّی تامان اۉز ارا علاقه لرنی مستحکملش نینگ اهمیتیگه تاکیدله گنلر. جناب حنیف هندوستان نینگ افغانستانگه قیلگن یاردم لرینی تقدیرلب، آلدین هندوستان تامانیدن تمویل ایتیلگن لایحه لرنی قَیته باشلش و یکونلشنی طلب قیلگن.
باشقه تاماندن، جناب پټیل اۉز مملکتی نینگ افغان خلقیگه یاردم نی دوام اېتتیریش تعهدینی بیلدیرگن. او چله قالگن لایحه لرنی یکونلش و تمام بۉلگن لایحه لر نینگ خرج لرینی اۉتکزیش اوچون تیگیشلی هندوستان اداره لری بیلن هماهنگلیک قیلینگنینی قۉшимچه قیلدی.
بو صحبت لر شونده ی بیر حالده بۉلماقده که، افغانستان نینگ سابق حکومتی ییقیلگنیدن سۉنگ، یاردمچیلیک قیلووچی مملکت لر تامانیدن تمویل قیلینگن کۉپلب توسعه لایحه لری تۉخته تیلگن اېدی. هندوستان اۉتگن ییگیرمه ییل جریانیده افغانستان نینگ منطقه ده گی اینگ بویوک یاردمچیلریدن بیری بۉلیب، زیربنا، ساغلیکنی سقلش و تعلیم ساحه لریده بیر قطار لایحه لرنی عملگه آشیرگن.
بو لایحه لرنینگ یکونلنیشی افغانستان اقتصادیگه مثبت تاثیر کۉرسه تیشی و ینگی ایش اۉرینلرینی یره تیشی ممکن. طالبان حکومتی خلق ارا همکارلیکلرنی جلب قیلیش آرقه لی تۉخته گن لایحه لرنی قَیته فعاللشتیریشگه حرکت قیلماقده.
منبع: اقتصاد وزیرلیگی خبرنامه سی
🌐
