امریکا قۉشمه ایالتلری تشقی ایشلر وزیرلیگی نینگ ۲۰۲۶ نچی ییلده انسان قاچاقی حقیده گی ییللیک گزارشیده، طالبان حکومتی نینگ باله لردن حربي روللرده فایده له نیاتگنی و اوشبو گروه نینگ بعضی اعضالری نینگ «بچه بازلیک» عملیده قۉلی بارلیگی نی معلوم قیلگن. بو گزارش افغانستان نی اۉز درجه بندی سی نینگ اینگ قویی سویه سیده قرار بېریب، طالبان نینگ انسان قاچاقی گه قرشی کوره ش اوچون معنا لی آدیم لر تشله مه‌گن لیگینی ایتگن.
اوشبو گزارش اساسیده، طالبان حکومتی اۉز اعضالری نینگ انسان قاچاقی بیلن عیبلنیب، هر قنده‌ی تحقیق، عدلي تعقیب یا-ده محکومیتی حقیده هیچ قنده‌ی موردنی گزارش بېرمه‌گن. گزارشده کیلیشیچه، طالبان آره سیده جزادن معافیت «کۉزگه کۉرینرلی بیر مشکل» دیر و بو جنایت لرنی تیکشیریش اوچون هیچ قنده‌ی رسمی جوابگرلیک سیستمی موجود ایمس.
باله عسکرلر بۉلیمی بوییچه، امریکا تشقی ایشلر وزیرلیگی نینگ گزارشی گه کۉره، طالبان و باشقه قوراللی گروه لر ناقانونی شکلده باله لرنی عسکرلیککه استخدام قیلیب و اولردن حربي همده حمایوي روللرده فایده لنماقده لر. کۉزه تووچیلر نینگ ایتیشیچه، طالبان نینگ محلي اعضالری باله لرنینگ کیملیک صحیفه لریده اولرنینگ یاشینی جعل قیلیش آرقه لی، اۉز صفلریگه جذب ایتگنلر. گزارش قۉшимچه قیلیشیچه، باله لر زوروانلیک و آلدَو یۉلی بیلن، خصوصاً افغانستان و پاکستان نینگ مکتبلریدن، جهادي مدرسه لرگه جذب ایتیلیب، او یېرده حربي تعلیمات کۉره دیلر.
بو گزارش «بچه بازلیک» عملینی هم تیکشیریب، گرچه بو ایش رسماً منع قیلینگن بۉلسه-ده، لېکن همچنان دوام ایتیب و طالبان نینگ بعضی اعضالری اونگه قۉل اورگن لیگینی یازگن. کۉزه تووچیلر نینگ ایتیشیچه، بو تور جنسی استثمار نینگ قربانلری، طالبان تامانیدن جزالش و اجتماعی تمغه دن قۉرقیب، اۉزلری حقیده گزارش بېریشدن تارتیلماقده لر.
گزارش شونینگدیک، افغانستانده انسان قاچاقی نینگ باشقه شکللریگه هم اشاره قیلیب، ایچکی قاچاق نینگ چېگره آشه قاچاقدن کۉپراق یاییلگن لیگینی بیلدیرگن. آغیر قرضدارلیک عایله لرنی مجبوراً ایشلشگه مجبور قیله دی و باله لر گیلم تۉقیش، خیشت پزدانلر، چوپانلیک و گدایچیلیک کبی تورلی بۉلیملرده استثمار قیلینه‌دیلر.
بوندن تشقری، امریکا تشقی ایشلر وزیرلیگی طالبان نینگ قاچاق نینگ احتمالي قربانلری بیلن بۉلگن یانده شووی نی تنقید قیلگن. گزارشده کیلیشیچه، طالبان کۉپینچه قربانلرنی، شول جمله دن کۉچه لرده گدایچیلیک قیلیاتگن باله لرنی، دقیق تیکشیرووسیز قولگه آلیب و اولرنی قماقخانه لرده اولوغ یاشده گیلر بیلن بیرگه سقلشه
ди، بو یېرده اولر جسمانی و جنسی آزار و مجبوراً ایشلش بیلن روپه‌رو بۉله دیلر.
منبع: امریکا تشقی ایشلر وزیرلیگی نینگ ۲۰۲۶ نچی ییل گزارشی
🌐
