امریکا قۉشمه ایالتلری تشقی ایشلر وزیرلیگی نینگ ۲۰۲۶ نچی ییل انسان قاچاقی بوییچه ییللیک گزارشیده، افغانستانده طالبان و «باشقه قوراللی گروه لر»، شول جمله دن داعش نینگ خراسان شاخه‌سی و ملی مقاومت جبهه سی، ناقانونی شکلده باله لرنی حربي و حمایوي روللر اوچون استخدام قیلیب و فایده لنیاتگن لیگینی معلوم قیلدی. بو گزارش افغانستان نی «اوچینچی درجه» ده سقلب قالگن، بو ایسه اوشبو مملکت نینگ انسان قاچاقی نی یۉق قیلیش اوچون اینگ کَم معیارلرنی رعایت قیلمه‌یاتگن لیگینی کۉرسته‌دی.
اوشبو گزارش اساسیده، باله لردن پارتلاوچی ماده لرنی جایلشتیریش و پارتلتیش، قورال تشیش، جاسوسلیک و پایگاه لرنی قۉریقلش اوچون فایده لنیله‌دی. امریکا تشقی ایشلر وزیرلیگی نینگ ایتیشیچه، طالبان باله لرنی زوروانلیک و آلدَو یۉلی بیلن، افغانستان و پاکستان نینگ مکتبلریدن جذب قیلیب و حربي تعلیمات بېره دیگن جهادي مدرسه لرده ثبت نام قیله‌دیلر.
گزارشده «بچه بازلیک» موضوع سیگه هم اشاره قیلینیب، بو عمل نینگ همچنان خواطرگه سزاوار ایکنلیگی و بعضی موردلرده طالبان اعضالری نینگ بو ایش گه قۉل اورگن لیگی ایتیلگن. قربانلر معمولاً ۱۰ دن ۱۸ یاشگچه بۉلگن اۉغیل باله لر بۉلیب، اولر یا اۉغیرلنگن یا-ده یوقسیل عایله لر تامانیدن ساتیب یوباریلگن دیر.
گرچه طالبان اۉز صفدن باله لرنی تانیش و چیقاریش اوچون بیر کمیسیون تشکیل ایتگن و بیر خلق آرا تشکیلات ۵۸ باله نی اولرنینگ صفیدن چیقاریشگه موفق بۉلگن بۉلسه-ده، لېکن امریکا تشقی ایشلر وزیرلیگی نینگ گزارشی طالبان نینگ باله لرنی استخدام قیلیش نینگ آلдини آلیش اوچون تأثیرلی تدبیرلر کۉرمه‌گن لیگینی تأکیدله‌یدی.
بو گزارش شونینگدیک طالبان نینگ انسان قاچاقی گه قرشی جنوری آییده معرفی قیلینگن ینги قانونی نی هم تیکشیرگن. امریکا تشقی ایشلر وزیرلیگی نینگ ایتیشیچه، بو قانون انسان قاچاقی نینگ آچیق تعریفی نی تقدیم ایتمه‌یدی و اونگه بېلگیلنگن جزالر هم ییترلیچه آغیر ایمس. حقوقی متخصصلر هم مبهم تعریف لر و مجبوراً اعتراف آلیشگه تیه نیش حقیده خواطر بیلدیرگنلر.
طالبان نینگ یۉل یۉریش، تعلیم و ایشلش گه قۉیگن چېکلاولری سببلی، خاتین-قیزلرنینگ آسیب پذیرلیگی جدی شکلده آرتیب کیتگن. بو گزارش قۉшимچه قیلیشیچه، ایران و پاکستاندن قَیتگن لر و شونینگدیک هزاره لر کبی قومی و مذهبی آزچیلیکلر هم استثمار خطری بیلن کۉپراق روپه‌رو بۉلماقده لر.
سۉنگیده، امریکا تشقی ایشلر وزیرلیگی، بو گزارشده «طالبان» عنوانی نینگ ایشلتیلیشی، قۉشمه ایالتلر تامانیدن اولرنینگ افغانستان حکومتی صفتیده تانیلیشی معناسینی بیلدیرمسلیگینی آچیقله‌گن.
منبع: امریکا تشقی ایشلر وزیرلیگی نینگ ۲۰۲۶ نچی ییل گزارشی
🌐
