پاریسده گی بیر محکمه، ۲۹ یاشر هندی ایرکک روهان رانه نی، کۉپچیلگی قانونی سن گه یېتمگن یاش قیزلرنی جنسی ایشلر قیلیشگه مجبورله گن بیر «مردسالار» گروه گه رهبرلیک قیلگنی اوچون ۲۰ ییلگه زندانگه محکوم قیلدی. بو خبرنی جمعه کونی فرانسه مقاملری اعلان قیلدی.
فرانسه نینگ دولتی فرانس ۲۴ تلویزیون شبکه‌سی نینگ گزارشیگه کۉره، رانه نینگ محاکمه سی دوشنبه کونی پاریسده گی بیر مخصوص جنایی محکمه ده و یاپیق ایشیکلر آرتیده باشلنگن. محکمه نهایتده اونی امریکا، بریتانیا و کاناداده آسیب پذیر باله لرنی هدفگه آلیب، اولرنی زوروانلیک و جنسی ویدیو لر ایشلب چیقاریشگه باسیم اۉتکزگن بیر خلق ارا جنایی شبکه ده قول اورگنلیگی اوچون مجرم دېب تاپدی.
دادستانلر، رانه اوچون «نئونازی سادیسم و افراطی خشونت عاشقی» دیب توصیفله گن، ۳۰ ییل زندان حکمی نی طلب قیلگن ایدیلر. محکمه گه، رانه رهبرلیگیده گی بو گروه نینگ اونلب قربانلری نینگ کۉپچیلگی امریکالیک قیزلر بۉلیب، اولرنینگ کۉپی ۱۵ یاشدن کیچیک ایکنی ایتیلگن.
«CVLT» نامی بیلن تنیلگن بو گروه، کووید-۱۹ همه گیریسی آستانه سیده دیسکورد پلتفرمیده فعال بۉلیب، رانه اونینگ رهبری ایدی. دادستانلر، بو گروه نینگ نیهیلیسم، نژادپرستلیک، یهود ستیزلیک، نازی زیبایی شناسی سی و ارزشلری، و فمینیستلر و LGBTQ جامعه سیدن نفرت انگیزه‌لری بیلن فعالیت قیلگنینی ایتدیلر. بو گروه نینگ باشقه یاش ایرکک اعضالری امریکا قوشمه ایالتلری، هند، آلمان و ینگی زلانددن ایدیلر.
تحصیل قیلیش اوچون فرانسه گه بارگن رانه، اول انتیب جنوبی شهریده گی بیر تجاری مکتبده تحصیل آلیب، سۉنگ ورزش مربی سی بۉلگن. او بیرینچی مرته ۲۰۲۱- ییلده فرانسه ده، امریکالیک مقاملر «CVLT» گروهیده گی اونینگ رهبرلیگی و اونینگ اۉز «سادیسم»ینی قانیقتتیریش اوچون تمایلی نی قنده ی کۉز کۉز قیلگنی حقیده معلومات بېرگنیدن کیین، توتیلگن.
منبع: فرانس ۲۴
🌐
