خیبر پختونخوا ایالتیده عاجل وضعیت و «والی حاکمیتی» اعلانی آرتیدن، گزارشلر اوشبو ایالت نینگ بعضی قسملریده خلق اعتراضلری نینگ باشلنگنیدن خبر بیرماقده. بو اعتراضلر، منطقه ده اینترنت خدمت لری نینگ کینگ قمره لی اوزیلیشیگه قره مسدن یوز بیرماقده.
اجتماعی ترماقلرنینگ گزارش لریگه اساساً، خیبر پختونخوا نینگ کوپلب شهرلریده موبایل اینترنت خدمت لری اوزیلگن که بو ایش وضعیت حقیده معلومات بیریشنی قیینلشتیرگن. بیراق، وایفای اینترنتی یاکه محدودیتلرنی ایله نیب اوتیش نینگ باشقه یوللریگه ایریشگن فایده لنووچیلر، تظاهراتدن ویدیو لر ترقتماقده لر.
ترقه تیلگن ویدیو لرده کورینیشیچه، دوشنبه آخشامی، پشاور پوهنتونی نینگ محصللری و یاشلر گروه لری شهرنینگ بعضی چوک لریده یوریش قیلماقده لر. اعتراضچیلر که اساساً عمران خان نینگ تحریک انصاف حزبی نینگ طرفدارلری کبی کورینماقده لر، فدرال حکومت نینگ قراریگه قرشی شعار بیرماقده لر.
اعتراضچیلرنینگ اساسی شعاری «گورنر راج، نامنظور» (والی حاکمیتی، قبول ایمس) دیر. اولر شونینگدیک دموکراسی حمایه سیده و اولر «غیررسمی حربی حکومت» دیب اته یاتگن نرسه گه قرشی شعارلر بیرماقده لر.
حاضرگچه امنیتی کوچلرنینگ اعتراضچیلر بیلن توقنشووی حقیده هیچ قنده‌ی گزارش ترقه لمه گن، بیراق شهرلرده گی فضا جدی روشده امنیتی دیب توصیفلنگن. تحریک انصاف حزبی نینگ رهبرلری اوز طرفدارلریدن تینچلیک اعتراضلرنی دوام ایتتیریشنی سوره گنلر.
تحلیلچیلر، اینترنت نینگ اوزیلیشی و اعتراضلرنینگ احتمالی باستریلیشی، پاکستان نینگ بو حساس و استراتیژیک ایالتیده وضعیت نی کوپراق کېسکینلشتیریشی ممکن لیگیدن خواطرده دیرلر. فدرال حکومت هلی اینترنت نینگ اوزیلیشی و اعتراضلر باره سیده عکس العمل کورستمه گن.
منبع: اجتماعی ترماقلرنینگ گزارشلری
🌐
