بلجیم نینگ مهاجرت وزیری آنلین ون بوسویت، قتل و تجاوز کبی آغیر جینایتلر سببلی مملکت زندانلریده ساخلنه‌یاتگن ۶۰ افغان پناه ایزلاوچینی چیقاریشنی طلب قیلدی. او، بو کیشیلر محکومیت دورانی توگه گندن سۉنگ بلجیم کۉچه‌لریده قۉییب یوباریلمسلیگی کېره ک لیگینی تأکیدله‌دی.
خانم بوسویت بو سۉزلرنی جمعه کونی، ۱۰ میزان ده، بلجیم پارلمانیده گی بیر عمومی ییغیلیشده بیان قیلدی. او شونده‌ی دېدی: «حاضرده تقریباً ۶۰ نفر غیرقانونی اقامتگه اېگه بۉلگن افغان اېرکه گی بار که چیقاریلیش شرایطیگه توشه دی. اولر حاضر بلجیم زندانلریده اۉз محکومیت دورانی نی اۉته ماقده‌لر.»
مهاجرت وزیری قۉشیمچه قیلدی: «مېن بو کیشیلرنینگ محکومیت دورانی توگه گندن سۉنگ بلجیم کۉچه‌لریده قۉییب یوباریلیب و احتمالا ینه خلققه آزار و اذیت یېتکیزیشلرینی ایسته مه یمن؛ چونکه بونده‌ی وضعیت غیرانسانی دیر.» او بو کیشیلرنینگ جینایتلرینی «قاتللر و متجاوزلر» دېب اته‌دی.
بو بحث، بلجیم حکومتی نینگ غزه لیک ۱۳ اۉقووچی اوچون استثنا قائل بۉلمه گنی سببلی تنقیدلر کوجه یگن بیر پیتده اورته گه تشلندی. بعضی نماینده‌لر حکومت دن بلجیم دانشگاهلریگه قبول قیلینگن بو اۉقووچیلر اوچون سیاسی نماینده لیکده فیزیکی حضورسیز ویزه صادر قیلیشنی سۉره‌گن اېدی.
لېکن خانم بوسویت جوابیده، اگر بلجیم استثنا قائل بۉله‌دیگن بۉلسه، آلدینلیک طالبان حکومتی تامانیدن تعلیم حقیدن محروم قیلینگن افغان قیزلرگه بېریلیشی کېره ک لیگینی ایتدی. او، بلجیم نینگ آلدین هم غزه بیلن کۉپ همکارلیک قیلگنینی دلیل قیلدی.
او، غزه لیک اۉقووچیلرگه استثنا قائل بۉلیش، حال آنکه افغان قیزلر و «حتی قنسوللیککه باریشدن هم قۉرقه‌دیگن سنگاللیک ۱۰۰ همجنسگرا اېرکه ککه» رد جوابی بېریلیاتگن بیر پیتده، بیر تور «امپراتورلیک» دیر دېب قۉشدی.
منبع: بلجیم پارلمانی
🌐
