یقین پیتده پاکستاندن جلال آباد شهریگه قَیتیب کیلگن ایکّی افغان مهاجر، افغانستانده گی حیاتلری باره سیده تورلیچه فکرلرگه ایگه که بو اولرنینگ فرقلی اقتصادی تجربه لرینی کۉرسه ته دی. بو مصاحبه لر قَیتیب کیلگن کوپچیلیک دوچار بولگن قیینچیلیک لرنی آچیقلَب بېره دی.
بو قَیتیب کیلگن لردن بیری نینگ آتی شاکرالله. او پاکستانده توغیلگن و او یېرده برق ایشلری و سولر ایشلری بیلن شغللنگن، حاضر ایسه جلال آبادده هم شو ایشینی دوام ایتدیره دی و اۉز ایش شرایطیدن راضی. او رسانه لرگه «قچان بیر کیشی ایشچی بولسه، هیچ قَیِرده ایش کملیکی بولمه یدی» دېب ایتدی.
بیراق، شاکرالله باشقه جدی معما لرگه هم روبرو. اونینگ ایتیشیچه، اینگ کتته معما لری اوی سیزلیک و باله لری نینگ مکتب گه باره آلمسلیگی دیر. او «کېلگنیمیزدن بېری تورت ته اویگه کۉچدیک… باشقه بیر معما، مکتب گه باره آلمیدیگن اوغل و قیزلریمیزنینگ وقتی نینگ ضایع بولیشی دیر» دېب شرح بېردی.
اما باشقه بیر قَیتیب کیلگن افتخار اوچون وضعیت بوتونله فرقلی. او اۉزینیکی بولمه گن بیر اوچ غildirکلی ریکشا بیلن ایشله یدی و هر کونی اونینگ اېگه سیگه ۲۰۰ دن ۲۵۰ افغانی گچه توله شی کېره ک. او، درآمدی نینگ عایله سی نینگ ضرورتی نی قاندیره آلمسلگینی ایته دی. افتخار آمو تی وی گه «پاکستانده یشش یخشی ایدی، خوشحال ایدیک و یشه ی آله یاتگن ایدیک. بو یېرگه کېلگچ، ایش و روزگار یوق» دېدی.
پاکستانده هم کونده لیک ایشلر بیلن شغللنگن افتخار، او یېرده هر کون ایش تاپه آلیشی و یخشیراق حیات کیچیرگنینی ایته دی. افغانستان گه کیریشده ۱۱ مینگ افغانی یاردم آلگن افتخار، حاضر کوپراق مالی یاردم و بیر دایمی اوی طلب قیلماقده.
بو حکایه لر، حکومت نینگ یېر ترقتیش برنامه سی باره سیده گی معلومات لرنینگ کم بولگن بیر پیتده یوز چقماقده. اوتگن ییلی، طالبان نینگ شهرسازی و مسکن وزیرلیگی قَیتیب کیلگن عایله لرگه یېر ترقتیش ریجه سینی اعلان قیلگن ایدی، اما بو برنامه نینگ وضعیتی آچیق ایمس. یوناما معلوماتیگه کۉره، اوتگن اوچ ییل ایچیده آلتی میلیون افغان پاکستان و ایران دن قَیتیب کیلگن که بو، افغانستان نینگ چېک لنگن منبع لریگه کتته باسیم کیلتیرگن.
منبع: آمو تی وی
🌐
