هندوستان سینماسی نینگ آکتریسه سی ریچا چادا، کترینا کیف و باشقه خاتین آکتورلرنی انترنیت تروللریدن حمایه قیلیب، «بدن نی عیبلش» (body-shaming) پدیده‌سینی قتّیق تنقید قیلدی.
کترینا کیف فرزندی توغیلگنیدن سۉنگ و خلق آلدیده کۉرینیش بیرگنیدن کیین، آنلاین تروللر تامانیدن اونینگ بدن وضعیتی حقیده گی حقارتلی فکرلر هدفیگه ایلندی. ایندی، اۉزی هم ۲۰۲۴ ییلده آنه بۉلگن ریچا چادا، «ایندیا تودی» بیلن بیر مصاحبه‌ده آنه بۉلگنیدن کیین خاتین آکتورلرنی هدف قیلیب آله‌دیگن بو تروللرگه قرشی چیقدی.
ریچا چادا ایتدی که، بو نوع تروللر فلم صنعتی ایچیدن اېمس، بلکه عادی خلق تامانیدن کېلیب چیقه‌دی. او سینما صنعتی نی حمایه قیلیب ایتدی که، آکتورلر عموماً آنه‌لیک و کسب آره سیده توازننی سقلب تورگن خاتینلرگه حرمت بیلن قره‌یدیلر.
او آچیقچه بیان قیلدی: «مېن فکر قیلمه یمن که خاتینلر بدنلری حقیده فکر بیلدیره‌دیگن هر کیمگه قولاق سالیشلری کیره ک. بو هندوستان نینگ عادی، بدمنظر، کل و یامان قورساقلی اېرکی دیر که، کترینا کیف یا آیشواریا رای حقیده فکر بیلدریش اونینگ حیاتینی بیر شکلده یخشیله‌یدی دېب اۉیله‌یدی. بو جوده کولگیلی. مېن حقیقتاً بونی فایده سیز دېب بیله من و صادقانه اۉیله یمن که بو حتی رسانه‌ای بحثلرده هم جوده آز جایگه لایق دیر.»
چادا تاکیدله‌دی که، اجتماعی ترماقلرده گی نامعلوملیک بو کیشیلرگه کترینا کیف و آیشواریا رای کبی خاتین یولدوزلرنی هدف قیلیشگه جرأت بیره‌دی. او قۉшимچه قیلدی که، سینما صنعتی هم آنه بۉلگن و هم کسبی نی دوام ایتدیره‌یاتگن خاتینلرنی جوده قۉللب قوتله‌یدی و مادهوری دیکشیت، جوهی چاولا، رانی موکرجی و سونالی بندره کبی موفق آکتریسه‌لرنی مثال صفتیده اېسله‌دی.
اونینگ بیاناتی اجتماعی رسانه‌لرده کینگ عکس صدا تاپدی و کۉپلب فایده لنووچیلر و مشهور شخصیتلر آنلاین آزار و اذیت و بدننی عیبلش فرهنگیگه قرشی اونینگ قاطع موضعسینی حمایه قیلدیلر.
منبع: ایندیا تودی
🌐
